Римӧ 5:17 - Коми Библия 2023

¹⁷ Ӧтилӧн мыж вӧчӧм вӧсна кӧ пондіс ыджыдавны кулӧм, сэки, дерт нин, ӧти морт пыр, Исус Кристос пыр, Енсянь ыджыд буралӧмсӧ да веськыдлунсӧ босьтысьяс пондасны ыджыдавны олӧмас.

Римӧ 5:17 Iomraidhean Croise

Олӧм 2:17

сӧмын бурсӧ и лёксӧ тӧдмалан пуысь эн сёй. Сёян кӧ, сійӧ жӧ лунӧ кулан».

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Олӧм 3:6

Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Матвей 25:34

Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Иоан 10:10

Гусясьысь локтӧ сӧмын гусявны, вины да бырӧдны. А Ме локті сетны олӧм, тырвыйӧ олӧм.

Римӧ 5:12

Ӧти морт пыр муюгыдас пырис мыжыс, мыжнас – кулӧмыс. Тадзи кулӧмыс вуджис быд морт вылӧ, ӧд ставныс мыжмисны.

Римӧ 5:15

Но мыж вӧчӧмсӧ оз позь ӧткодявны буралӧмкӧд. Ӧти мортлӧн мыжыс вайис ставныслы кулӧм, и тшӧтш ӧти морт пыр, Исус Кристос пыр, дзик ставныслы уна пӧвстӧн вичмӧ Енсянь буралӧм да сетӧмторъяс.

Римӧ 5:20

Индӧдсӧ сетӧма, медым петкӧдлыны, кутшӧм уна мыж вӧчӧмыс. Кӧні мыж вӧчӧмыс уна, сэні ёнджыка на петкӧдчӧ буралӧмыс.

Римӧ 6:14

Мыжыс оз вермы ыджыдавны тіян вылын, ӧд ті буралӧм улынӧсь, абу Индӧд улынӧсь.

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

Римӧ 8:39

пыдтаыс ни судтаыс, – некутшӧм вӧчӧмтор оз вермы торйӧдны миянӧс Ен муслунысь, мый восьтӧма миянлы Исус Кристос Господьным пыр.

1 Коринфӧ 15:49

Кыдзи ми ӧткодьӧсь муысь вӧчӧмторйыскӧд, сідзи лоам ӧткодьӧсь и енэжсянь Локтысьыскӧд.

1 Коринфӧ 4:8

Тіян ставыс эм, ті ёна нин озырминныд. Ӧні ті – ӧксыяс, а ми – некод. Дерт, ме ёна кӧсъя, медым ті збыльысь вӧлінныд ӧксыясӧн, сэки эськӧ тіянкӧд ӧтвыв вермим ӧксыавны!

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.

1 Тимофейлы 1:14

Миян Господь озыра тыртіс менӧ Аслас буралӧмнас. Исус Кристос пыр меным сетӧма эскӧм да муслун.

2 Тимофейлы 2:12

Мунам кӧ сьӧкыдыс пыр, Сыкӧд пондам ыджыдавны. Соссям кӧ Сыысь, Сійӧ соссяс миянысь.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Восьтӧм 1:6

пуктіс миянӧс ӧксыясӧ да попъясӧ Енмыслы, Аслас Батьлы. Сылы ошкӧмыс, Сылӧн ыджыдалӧмыс нэмъяс чӧж! Аминь.

Восьтӧм 20:4

Сэсся ме аддзи юралан пуклӧсъяс. Сэні пукалысьяслы вӧлі сетӧма мыждан вын. Ме аддзи ловъяссӧ налысь, кодъяслысь юрсӧ керыштісны Исус йылысь висьталӧм вӧсна да Ен кыв вӧсна. Найӧ эз копыртчывны зверлы да сылӧн серпаслы, эз сибӧдны зверлысь пассӧ плешканыс да кианыс. Найӧ ловзисны да юралісны Кристоскӧд сюрс во чӧж.

Восьтӧм 20:6

Шудаӧсь да вежаӧсь найӧ, кодъяс ловзясны медводдза ловзьӧдігӧн. Мӧд кулӧмыслӧн выныс на вылын оз нин ло. Енлӧн да Кристослӧн попъясӧн найӧ кутасны ыджыдавны Кристоскӧд сюрс во чӧж.

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.

Восьтӧм 3:21

Ме лои Вермысьӧн да пукси Аслам Батькӧд орччӧн Сылӧн пуклӧсӧ. Сідзкӧ, вермысьӧс ме тшӧтш пуксьӧда Аскӧд орччӧн Менам пуклӧсӧ.