Римӧ 2:25 - Коми Библия 2023

²⁵ Вундыштчӧмыд бур, олан кӧ Индӧдыс серти. Он кӧ ов Индӧдыс серти, сэки тэнад вундыштчӧмыд нинӧм.

Римӧ 2:25 Iomraidhean Croise

Еремей 4:4

Иудаын да Ерусалимын олысьяс, вундыштчӧм пыр сиӧй асьнытӧ Господьлы, вундыштӧй ассьыныд сьӧлӧмнытӧ, медым тіян лёк вӧчӧмныд вӧсна Менам скӧрлунӧй эз ыпнит би моз, и сійӧс кусӧдны некод эз вермы.

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Римӧ 2:13

Ен водзын веськыдӧсь абу Индӧдсӧ кывлысьяс, а сы серти олысьяс.

Римӧ 2:23

Тэ ошйысян Индӧднас, ачыд сійӧс торкалӧмнад Енсӧ нинӧмӧ пуктан.

Римӧ 2:26

Вундыштчытӧм кӧ олӧ Индӧд сертиыс, оз-ӧ сійӧс лыддьыны вундыштчӧмаӧн?

Римӧ 2:27

Индӧд серти олысь, коді абу вундыштчӧма, кутас мыждыны тэнӧ, вундыштчӧмаӧс да Индӧд тӧдысьӧс, ӧд тэ торкалан Индӧдсӧ.

Римӧ 2:28

Иудейыд абу сійӧ, коді чужӧма иудейӧн, вундыштчӧмыд абу яй вылад вундыштӧм пас.

1 Коринфӧ 7:19

Вундыштӧмыс нинӧм, и вундыштчытӧмыс нинӧм, но медшӧр могыс – овны Енлӧн тшӧктӧм серти.

Галатӧ 6:13

Ӧд вундыштчӧмаяс асьныс оз овны Индӧд сертиыс. Тіян вундыштчӧмныд налы сӧмын помка ошйысьны.

Галатӧ 6:15

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колӧ, медым выль морт тэ вӧлін.

Индӧд 30:6

Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,