Римӧ 2:24 - Коми Библия 2023

²⁴ Гижӧма: «Енлысь нимсӧ тіян вӧсна омӧльтӧны ентӧдтӧмъяс».

Римӧ 2:24 Iomraidhean Croise

Ӧксыяслӧн 2 небӧг 12:14

Но тайӧ вӧчӧмторнад тэ сетін помка Господьӧс мустӧмтысьяслы омӧльтны Сійӧс. Та вӧсна кулас тэнад пузчужӧм пиыд». Сэсся Нафан бӧр муніс гортас.

Исай 52:5

А ӧні мый Ме аддза? – висьталӧ Господь. – Менсьым войтырӧс босьтісны дон мынтытӧг, налӧн юралысьясыс бӧрдӧны, – висьталӧ Господь. – Менсьым нимӧс быд лун омӧльтӧны.

Езекиль 20:27

Морт пиӧй, шу Израиль войтырлы, мый Господь Ыджыдыс тадзи висьталӧ: тіян батьясныд водзӧ мыж вӧчисны Меным паныд да омӧльтісны Менӧ.

Матвей 18:7

Курыд шог муюгыдыслы ыштӧдӧмъясысь! Ыштӧдӧмъяслы колӧ локнысӧ, но курыд шог сійӧ мортыслы, код пыр локтӧны ыштӧдӧмъясыс!

1 Тимофейлы 5:14

Та вӧсна кӧсъя, медым том дӧваяс верӧс сайӧ петісны, кага чужтісны да гортныс вӧсна тӧждысисны. Сэки найӧ оз сетны помкасӧ паныд сувтысьяслы омӧльтны эскысьясӧс.

1 Тимофейлы 6:1

Сийӧсувса кесйӧгъяс, быдторйын пыдди пуктӧй ыджыдъяснытӧ, медым эз ло лёкӧдӧма Енлысь нимсӧ да Сылысь велӧдӧмсӧ.

Титлы 2:5

А сідзжӧ мед велӧдасны найӧс лоны сюсь вежӧраӧн, сӧстӧм сьӧлӧмаӧн, шаньӧн, тӧждысьны гортныс вӧсна да кывзысьны верӧсныслысь. Сэки Енлысь кывсӧ оз ло омӧльтӧма.

Титлы 2:8

Сёрнит веськыда да тырвыйӧ эскӧд, медым паныд сувтысь яналас да нинӧм лёксӧ оз вермы шуны миян йылысь.

2 Петыр 2:2

Унаӧн на вылӧ видзӧдӧмӧн пондасны овны лэдзчысьӧм оласногӧн. Татшӧмъясыс вӧсна збыль туйыс лоӧ серамтуйын.