2 Ми тӧдам, мый тадзи олысьӧс Енмыс веськыда мыждӧ.
Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»
Енмыс оз инды мортлы кадсӧ, кор сылы сувтны Енлӧн ёрд водзӧ.
Меным паныд сувтысьяс бӧр бергӧдчасны да пышъясны, усясны да бырасны Тэнад чужӧмбан водзысь.
Ыдждӧдлӧй Господьӧс, миянлысь Енмӧс! Копыртчӧй Сылӧн вежа керӧслань, ӧд Господь, миян Енным, вежа!
Ме эг гусьӧн висьтав, эг пемыдінын сёрнит, Яковсянь чужысьяслы Ме эг тшӧктывлы корсьны Менӧ кушинысь. Ме – Господь, Ме сёрнита веськыда, висьтала-юӧрта збыльсӧ.
Сёрнитчӧй ас костаныд, висьталӧй-вочавидзӧй. Коді важысянь юӧртіс та йылысь, водзысянь висьтавліс тайӧс? Эг-ӧ Ме, Господь? Меысь кындзи мӧд Енмыс абу! Ме веськыда вӧчысь Ен, Мездысь, Меысь кындзи мӧдыс абу!
– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?
Ті шуанныд, Господь пӧ оз веськыда вӧч. Кывзы Менӧ, Израиль войтыр! Ме ӧмӧй ог веськыда вӧч? Ті асьныд онӧ веськыда вӧчӧй.
Израиль войтыр шуӧ, Господь пӧ оз веськыда вӧч. Израиль войтыр, Ме ӧмӧй ог веськыда вӧч? Ті асьныд онӧ веськыда вӧчӧй.
Но Господь веськыд, Сійӧ веськыда вӧчӧ тайӧ карас. Быд асыв Сійӧ петкӧдлӧ Ассьыс веськыда мыждӧмсӧ, но лёк вӧчысь яндзим оз тӧд.
Ӧд Сійӧ индіс лун, кор пондас веськыда мыждыны став муюгыдсӧ водзвыв индӧм Морт пыр. Ассьыс шуӧмсӧ быдӧнлы тӧдмӧн Енмыс вынсьӧдіс, кор ловзьӧдіс Сійӧс кулӧмысь».
Мортӧй, тӧд, мый мӧдӧс мыждігӧн тэ он вермы дорйысьны. Мӧдӧс мыждӧмнад тэ асьтӧ мыждан, ӧд ачыд тшӧтш сы моз олан.
Чайтан-ӧ тэ, мортӧй, мый пышъян Енлӧн мыждӧмысь, кор тадзи олысьӧс мыждан, а ачыд тадзи жӧ олан?
Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.
Мый шуам? Енмыс абу веськыд? Сійӧ веськыд.
Ме кылі, кыдзи ваяслӧн анделыс шуис: – Господьӧй, Тэ вӧлін и эм, Тэ веськыд да вежа, Тэ веськыда мыждан.
Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.
