Римӧ 16:12 - Коми Библия 2023

¹² Чолӧм тшӧтш мӧдӧда Енлысь уджсӧ вӧчысьяслы: Трифеналы да Трифосалы. Чолӧм муса Персида чойлы, сійӧ ёна уджаліс Господьлы.

Римӧ 16:12 Iomraidhean Croise

Матвей 5:47

Ті кӧ чолӧмаланныд-сибӧданныд сӧмын вокъяснытӧ, ті ӧмӧй бурджыка вӧчанныд? Оз ӧмӧй тадзи вӧчны тшӧтш ентӧдтӧмъяс?

Матвей 9:38

Кевмӧй вунданінын Ыджыдыслы, мед ыстас Аслас вунданінӧ уджалысьясӧс».

Римӧ 16:11

Чолӧм менам Иродион рӧдвужлы. Висьталӧй чолӧм Наркислӧн гортсаяс пиысь налы, кодъяс эскӧны Господьлы.

Римӧ 16:13

Чолӧм Руфослы, Господьӧн бӧрйӧмалы, да сылӧн мамыслы, ӧд сійӧ меным тшӧтш мам кодь.

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

1 Коринфӧ 15:58

Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

1 Коринфӧ 16:16

кывзысьӧй налысь, тшӧтш накӧд ӧтвыв уджалысьяслысь да кесъялысьяслысь.

Колосӧ 1:29

Та могысь ме уджала да вермася ме пытшкын олысь Кристос вынӧн.

Колосӧ 4:12

Чолӧм ыстӧ тіян Епафрасныд, Исус Кристослӧн кесйӧг. Кевмысигас сійӧ пыр тышын тіян вӧсна, мед эськӧ ті век сулалінныд зумыда да быдторйын тӧдінныд Енлысь кӧсйӧмсӧ.

1 Фессалоникаӧ 1:3

Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.

1 Тимофейлы 4:10

Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.