Римӧ 14:6 - Коми Библия 2023

⁶ Лунъяс торйӧдысь – Господь понда найӧс торйӧдӧ, коді оз торйӧд – Господь понда оз торйӧд. Быдтор сёйысь – Господь понда сёйӧ да Енсӧ аттьӧалӧ, коді оз сёй быдторсӧ – Господь понда оз сёй да тшӧтш Енсӧ аттьӧалӧ.

Римӧ 14:6 Iomraidhean Croise

Петӧм 12:14

Тайӧ луныс Господьлы сиӧм гаж. Казьтылӧмӧн пасйӧй сійӧс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Петӧм 12:42

Тайӧ войнас Господь петкӧдіс Египет муысь Израиль пиянӧс да видзис найӧс. Та вӧсна чужысьяссянь чужысьясӧдз израильсаяслы колӧ пасйыны тайӧ войсӧ да узьтӧг овны Господь водзын.

Петӧм 16:25

Мӧисей шуис: «Сёйӧй талун кежлӧ кольӧм сёянсӧ, ӧд талун Господьлы сиӧм шойччан лун, и му вылысь няньсӧ ті онӧ аддзӧй.

Исай 58:5

Ме ӧмӧй кӧсъя татшӧм видзалӧмсӧ, кӧсъя ӧмӧй татшӧм раммӧдан лунсӧ, кор эжӧр моз копыртанныд юрнытӧ, вольсаланныд ас уланыд чорыд дӧра, куйланныд пӧим вылын? Тайӧс ӧмӧй позьӧ шуны видзалӧмӧн, Господьлы шогмана лунӧн?

Закар 14:21

Ерусалимын да Иуда муын став пӧртсӧ лоӧ вежӧдӧма-торйӧдӧма Господь Саваофлы. Вись вайиганыс йӧзыс босьтасны пӧртъяссӧ да пуасны сэні висьлысь яйсӧ. Сійӧ лунӧ Господь Саваофлӧн крамын оз ло весиг ӧти вузасьысь.

Матвей 14:19

Сійӧ тшӧктіс йӧзыслы пуксявны турун вылӧ. Ачыс босьтіс вит няньсӧ да кык черисӧ, видзӧдліс енэжӧ да Енмӧс аттьӧалӧмӧн чегъяліс няньсӧ, сэсся сетіс велӧдчысьясыслы. Велӧдчысьяс разӧдісны йӧзыслы.

Матвей 15:36

Ачыс босьтіс сизим няньсӧ да черисӧ, Енмӧс аттьӧалӧмӧн чегъяліс няньсӧ да сетіс велӧдчысьясыслы, а велӧдчысьяс – йӧзыслы.

Иоан 6:28

Йӧзыс юалісны Исуслысь: «Мый миянлы вӧчны, медым уджъясным вӧліны шогманаӧсь Енмыслы?»

Галатӧ 4:10

Кутчысянныд торъя лунъясӧ, тӧлысьясӧ, воясӧ да кадъясӧ.