Римӧ 14:2 - Коми Библия 2023

² Ӧти эскӧ, мый позьӧ сёйны быдтор, а мӧдыс, жеб эскысьыс, сёйӧ сӧмын быдмӧг.

Римӧ 14:2 Iomraidhean Croise

Олӧм 1:29

Ен шуис: «Ме сета тіянлы став кӧйдыса-вотӧса быдмӧгсӧ да пусӧ. Тайӧ лоӧ тіянлы сёянӧн.

Олӧм 9:3

Став пемӧссӧ сета тіянлы сёян пыдди, кыдзи водзынджык сеті тіянлы веж быдмӧгъяс.

Шусьӧгъяс 15:17

Тшӧгӧдӧм ӧш яй сёйӧм да лӧгалӧмӧн олӧм дорысь бурджык градвыв пуктас сёйны да овны муслунпырысь.

Даниил 1:12

«Ме кора тэнӧ, видзӧд миян бӧрся, аслад кесйӧгъяс бӧрся, дас лун чӧж. Миянлы мед сетасны сёйны-юны сӧмын градвыв пуктас да ва.

Даниил 1:16

Сійӧ кадсяньыс зонъяс бӧрся видзӧдысь эз кут тшӧктыны налы сёйны-юны ӧксы пызан вылысь, а сетіс налы сёйны градвыв пуктас.

Римӧ 14:1

Жеб эскысьӧс сибӧдӧй, энӧ вензьӧй, сылӧн видзӧдласыс кӧ торъялӧ.

Римӧ 14:14

Ме бура тӧда да эска Господь Исуслы, мый, збыльвылас, нинӧм абу пеж. Сӧмын сылы лоӧ пеж, коді лыддьӧ мыйкӧ пежӧн.

Римӧ 14:20

Сёян вӧсна эн жугӧд Енлысь уджсӧ. Ставыс сӧстӧм, но мортыслы лёк, крукӧдӧ кӧ аслас сёянӧн мӧдсӧ.

Римӧ 15:1

Миянлы, вынаяслы, колӧ лоны бур сьӧлӧмаӧн вынтӧмъяс дінӧ налӧн вермытӧмлун дырйи, оз ков мӧвпавны куш ас йывсьыным.

1 Коринфӧ 10:25

Повтӧг сёйӧй вузасьысьлысь ньӧбӧм яй. Нинӧм энӧ юасьӧй, медым тіян сьӧлӧмныд эз мыжды тіянӧс.

1 Коринфӧ 8:9

Дерт, ті верманныд сёйны ставсӧ, но видзчысьӧй, медым энӧ лоӧй крукӧдӧн жеб эскысьяслы.

1 Коринфӧ 9:22

Жеб эскысьяскӧд куті ачымӧс тшӧтш на моз, медым вайӧдны найӧс Кристос дінӧ. Ме вӧчи став позянасӧ, медым эськӧ кымынкӧ мортӧс верми мездыны.

Галатӧ 2:12

Яковсянь мӧдӧдӧмаяс вотӧдз Петыр ӧтлаын сёйис мукӧд войтыръясысь эскысьяскӧд. Но Яковлӧн йӧз локтӧм бӧрын сійӧ пондіс сайласьны да ӧтдортчыны, ӧд поліс вундыштчӧм дор сулалысьясысь.

1 Тимофейлы 4:4

Енмыслӧн став вӧчӧмторйыс бур. Сёян кӧ аттьӧалӧмӧн, сэки нинӧмысь повнысӧ.

Титлы 1:15

Сӧстӧмлы ставыс сӧстӧм, а пежасьӧмалы да эскытӧмлы нинӧм абу сӧстӧм. Налӧн пежасьӧма вежӧрыс, весиг сьӧлӧмыс.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.