Римӧ 12:15 - Коми Библия 2023

¹⁵ Нимкодясьысьяскӧд нимкодясьӧй, бӧрдысьяскӧд бӧрдӧй.

Римӧ 12:15 Iomraidhean Croise

Неемий 1:4

Тайӧс кылӧм бӧрын ме пукси да бӧрддзи. Некымын лун чӧж ме шогалі да видзалі-кевмыси енэжвывса Ен водзын.

Иов 2:11

Иовлӧн куим ёрт – Теманысь Элифаз, Шуахысь Вилдад да Наамаысь Софар – кывлісны сылӧн ыджыд шог йылысь. Найӧ мӧдӧдчисны быдӧн аслас оланінысь, медым паныдасьны да ӧтлаын мунны Иов дінӧ, юкны сыкӧд шогсӧ да бурӧдны сійӧс.

Иов 30:25

Эг ӧмӧй ме бӧрдлы сьӧкыдалысь вӧсна, эз ӧмӧй сьӧлӧмӧй шогсьывлы коньӧр вӧсна?

Еклесиаст 3:4

эм кад бӧрдны и серавны, шогсьыны и йӧктыны,

Еремей 38:12

Эфиопияса Эведмелек шуис Еремейлы: «Киняулӧдыд гартышт асьтӧ гезнас, а киссьӧм кӧлуйсӧ гез улас сюйышт». Еремей дзик сідзи и вӧчис.

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Лука 1:58

Матігӧгӧр олысьяс да рӧдвужыс тӧдмалісны Господьлысь буралӧмсӧ Елизавета дінӧ да тшӧтш нимкодясисны сыкӧд.

Иоан 11:19

Уна иудей вӧлі локтӧмаӧсь Марпа да Марья ордӧ, медым пальӧдны кулӧм вок вӧснаыс налысь шогсӧ.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

1 Коринфӧ 12:26

Сьӧкыдалӧ кӧ вир-яйлӧн ӧти юкӧн, сыкӧд тшӧтш сьӧкыдалӧ мукӧд юкӧныс. Ошкӧны кӧ вир-яйлысь ӧти юкӧн, сыкӧд тшӧтш нимкодясьӧ мукӧд юкӧныс.

2 Коринфӧ 11:29

Лигышмунӧма кӧ кодкӧ, ме тшӧтш. Усьӧма кӧ кодкӧ, менам сьӧлӧмӧй ёна висьӧ сы вӧсна.

2 Коринфӧ 2:3

Дзик та йылысь ме гижлі тіянлы, медым тіянӧ воа да, меным эз ковмы шогсьыны сійӧ йӧзыс вӧсна, код вӧсна колӧ нимкодясьны. Ме тӧда, меным кӧ нимкодь, тіянлы ставныдлы тшӧтш нимкодь.

Филипӧ 2:26

Сійӧ ёна гажтӧмтчӧ тіян вӧсна да шогсьӧ, мый ті тӧданныд сылӧн висьӧм йылысь.

Филипӧ 2:28

Та вӧсна ӧдйӧджык мӧдӧда сійӧс тіян дінӧ, медым бара верминныд аддзысьны сыкӧд да нимкодясьны. Сэки ме этшаджык кута шогсьыны.

Еврейяслы 13:3

Тӧждысьӧй дзескыдінын пукалысьяс вӧсна, быттьӧ ті на моз пукаланныд дзескыдінын. Энӧ вунӧдӧй найӧс, кодъясӧс нӧйтӧны, ті ӧд асьныд тӧданныд, мый сэтшӧм дойыс.