Римӧ 12:11 - Коми Библия 2023

¹¹ Тӧждысиганыд энӧ дышмӧй, ловнад ӧзъялӧй, Господьлы кесъялӧй.

Римӧ 12:11 Iomraidhean Croise

Петӧм 5:17

Но фараон вочавидзис налы: «Ті дзикӧдз дышминныд, та вӧсна кӧсъянныд мунны да вайны Господьлы вись.

Шусьӧгъяс 10:26

Дыш мортыд аслас веськӧдлысьлы – пинь тшыкӧдысь шома ва кодь, син курӧдысь тшын кодь.

Шусьӧгъяс 13:4

Дыш морт унатор кӧсйӧ, но весьшӧрӧ, зіль мортлӧн кӧсйӧмыс збыльмӧ.

Шусьӧгъяс 18:9

Суклясьысьлӧн кывъясыс чӧскыдӧсь, кынӧм пытшкӧдзыд пырӧны.

Шусьӧгъяс 22:29

Сяммысь-кужысь морт вылӧ видзӧд – сійӧ кутас кесъявны ӧксыяслы, оз прӧстӧй йӧзлы.

Шусьӧгъяс 31:15

Водз асывсянь чеччӧ, дасьтӧ гортсаыслы сёян, кесйӧг аньяслы индӧ удж.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Исай 56:10

Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.

Матвей 24:12

Лёкыс содӧм вӧсна уналӧн муслуныс кӧдзалас.

Матвей 25:26

Ыджыдыс шуас сылы: ”Тэ шогмытӧм дыш кесйӧг. Тэ тӧдін, мый ме вунда, кытчӧ эг кӧдзлы, да чукӧрта, кытчӧ кӧйдыссӧ эг шыбитлы.

Ап. уджъяс 18:25

Сійӧ сибӧдіс ”Господь туй” йылысь велӧдӧмсӧ да сьӧлӧмсяньыс висьтавліс-велӧдіс Господь йылысь ставсӧ веськыда. Но ачыс тӧдіс сӧмын Иоанлысь пыртӧмсӧ.

Ап. уджъяс 20:19

Ме кесъялі Господьлы рам сьӧлӧмӧн да синва сорӧн, кор ёна сьӧкыдалі иудейяссянь.

1 Коринфӧ 7:22

Господьлӧн коригас кӧ мортыс кесйӧгӧн вӧлі, ӧні сійӧ Господьлӧн мездлуна морт. А мездлуна кӧ вӧлі, ӧні сійӧ Кристослӧн кесйӧг.

Ефесӧ 4:28

Гусясьысь, водзӧ эн гусясь, а уджав да вӧч аслад киӧн бурсӧ. Сэки тэ верман отсасьны корысьяслы.

Колосӧ 4:1

Ыджыдъяс, лоӧй веськыдӧсь кесйӧгныдкӧд, быдӧнӧс сибӧдӧй ӧтмоза. Тӧдӧй, енэжас тіян вылын тшӧтш эм Ыджыдыс.

1 Тимофейлы 5:13

Керкаысь керкаӧ ветлігӧн найӧ весьшӧрӧ каднысӧ коллялӧны, суклясьӧны, быдлаӧ нырнысӧ сюйӧны да ковтӧм сёрни паськӧдӧны.

Еврейяслы 12:28

Миянлы сетӧма вӧрзьывтӧм Юраланін. Сідзкӧ, аттьӧалам Енсӧ да кесъялам Сылы шогмана ногӧн, Сыысь полӧмӧн да вежавидзӧмӧн,

Яков 5:16

Висьтасьӧй ӧта-мӧд водзаныд мыжъяссьыныд да кевмысьӧй ӧта-мӧд вӧснаныд, медым бурдінныд. Ӧд веськыда олысьлӧн кевмысьӧмыс вына, сійӧ вермӧ вӧчны унатор.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Петыр 4:8

Сьӧлӧмсяньныд радейтӧй ӧта-мӧднытӧ, ӧд муслуныс вевттьӧ уна мыж.

Восьтӧм 2:4

Но Менам эм мыйсюрӧ тэныд паныд: тэ эновтін ассьыд медводдза муслунтӧ.