Римӧ 11:20 - Коми Библия 2023

²⁰ Тайӧ тадз. Найӧс чегисны эскытӧмысла, а тэ кутчысян эскӧмнад. Асьтӧ вылӧ эн пукты, но полӧмпырысь ов.

Римӧ 11:20 Iomraidhean Croise

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

Псалтыр 138:6

Тэнад тӧдӧмлуныд шензьӧдӧ менӧ, сійӧ ёна вылын, ме ог вермы сійӧс вежӧрӧ тӧрӧдны.

Шусьӧгъяс 28:14

Енмысь полысь – майбыр, сьӧлӧмсӧ чорзьӧдысь лёкас веськалӧ.

Шусьӧгъяс 28:26

Ас вылас лача кутысь – вежӧртӧм, мывкыда олысь повтӧг ветлӧ.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Исай 7:9

Самарияыс сӧмын Ефремлӧн юркар, и Ремальлӧн пиыс сӧмын Самарияын юралӧ. Онӧ кӧ зумыда эскӧй, онӧ вермӧй зумыда сулавны».

Аввакум 2:4

Эскытӧм морт абу веськыд, а веськыда олысь эскӧмнас кутас овны.

Софоний 3:11

Сійӧ лунӧ тэ он нин кут янӧдны асьтӧ лёк уджъясӧн, мый тэ вӧчлін Меным паныд, ӧд сэки Ме ылыста тэ пӧвстысь вылӧ кыпӧдчысьясӧс, тэ он нин понды ышнясьны Менам вежа керӧс вылын.

Лука 18:14

Висьтала тіянлы: Ен водзын веськыдӧн муніс гортас вот перйысь, эз фарисей. Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Ап. уджъяс 18:6

Иудейяс сувтісны Павеллы паныд, пондісны омӧльтны сійӧс. Сэки Павел паськӧмсӧ пыркнитӧмӧн шуис: «Тіян вирныд ас выланыд кольӧ, а ме сӧстӧм. Ӧні ме муна ентӧдтӧмъяс дінӧ».

Римӧ 11:18

сэки эн ошйысь мукӧд вожыс водзын. А кӧсъян кӧ ошйысьны, тӧд: он тэ кут вужсӧ, а вужйыс – тэнӧ.

Римӧ 11:21

Енмыс кӧ эз жалит быдтӧм олив пулысь вожъяссӧ, жалитас-ӧ тэнӧ?

Римӧ 12:16

Ас костаныд лоӧй ӧти сьӧлӧмаӧсь, энӧ лыддьӧй асьнытӧ бурджыкӧн, коньӧръясӧс энӧ ӧтдортӧй да сюсьӧ энӧ пуксьӧй.

Римӧ 12:3

Меным сетӧм буралӧм вӧсна висьтала тіянлы быдӧнлы: энӧ мӧвпалӧй ас йывсьыныд вывті, коланасьыс унджык, но мӧвпалӧй ышнясьтӧг, Енмӧн сетӧм эскӧм сертиныд.

Римӧ 3:3

На пӧвстысь кӧ кодсюрӧ эз эскыны, налӧн эскытӧмысь ӧмӧй бырӧ Енлӧн эсканлуныс?

1 Коринфӧ 10:12

Сідзкӧ, чайтан кӧ, мый зумыда сулалан – видзчысь усьӧмысь.

1 Коринфӧ 15:1

Вокъяс, ӧні казьтышта тіянлы Евангелльӧ йылысь, кодӧс висьтавлі нин тіянлы. Ті сибӧдінныд сійӧс да зумыда кутчысянныд сэтчӧ.

1 Коринфӧ 16:13

Лоӧй дасьӧсь да зумыда эскӧй! Лоӧй вынаӧсь да повтӧмӧсь!

2 Коринфӧ 1:24

Ми огӧ кӧсйӧй веськӧдлыны тіян эскӧмӧн, кӧсъям сӧмын отсавны тіянлы, медым ті верминныд нимкодясьны. Ми тӧдам, мый тіян эскӧмныд зумыд.

2 Коринфӧ 10:5

да став кыпӧдчӧмсӧ, мый паныд сувтӧ Енсӧ тӧдмалӧмлы. Ми топӧдам быдпӧлӧс мӧвпъяс, медым найӧ кывзысисны Кристослысь.

Филипӧ 2:12

Мусаяс, кор ме вӧлі тіян дінын, ті пыр кывзысинныд менсьым. Сідзкӧ, ӧні, кор абу тіянкӧд, ёнджыка на кывзысьӧй да тӧждысьӧй асланыд мездмӧм вӧсна полӧмӧн да тіралӧмӧн.

Колосӧ 2:7

Быдмӧй-сӧвмӧй Сы пытшкӧ вужъясьӧмӧн, ёнмӧй эскӧмас, кыдзи тіянӧс велӧдӧма. Сьӧлӧмныд мед век вӧлі тыр аттьӧалӧмнас.

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

Еврейяслы 3:12

Вокъяс, видзчысьӧй, тіян пиысь мед некод эз вӧв эскытӧмӧн, эз ов лёк мӧвпъясӧн, медым энӧ кежӧй ловъя Енмысь.

Еврейяслы 3:19

Ми аддзам, мый эскытӧм вӧснаныс найӧ эз пырны Енлӧн шойччанінӧ.

Еврейяслы 4:11

Сідзкӧ, кутам зільны пырны Енлӧн шойччанінӧ, медым тайӧ кывзысьтӧм йӧзыс моз эгӧ кольӧй Енлӧн шойччанінӧ пыртӧг.

Еврейяслы 4:6

Но кодсюрӧ пырасны на Енлӧн шойччанінӧ. А найӧ, кодъяслы медводз вӧлі висьталӧма Енлӧн шойччанін йывсьыс, эз пырны сэтчӧ кывзысьтӧмлун вӧснаныс.

Яков 2:19

Тэ эскан, мый Енмыс ӧти. Тэ бура вӧчан. Весиг пеж ловъяс тадзи эскӧны да тіралӧны полӧмнысла.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

1 Петыр 1:17

Ті кӧ шуанныд Батьӧн Сійӧс, коді чужӧм вылӧ видзӧдтӧг мыждӧ быдӧнӧс уджъясыс серти, сідзкӧ, олӧй тайӧ му вылас Енсьыс полӧмӧн.

1 Петыр 5:12

Тайӧ дженьыдик гижӧдсӧ ме гижи тіянлы Силуан вок отсӧгӧн, кодлы позьӧ эскыны. Кӧсъя эскӧдны да ышӧдны тіянӧс: кутчысьӧй Енлӧн збыль буралӧмас, кодӧс сетӧма тіянлы.

1 Петыр 5:9

Сувтӧй сылы паныд зумыд эскӧмӧн. Тӧдӧй, мый став му пасьталаыс вокъясныд тіян моз тшӧтш нуӧны сьӧкыдсӧ.

Восьтӧм 18:7

Мӧдӧдӧй сылы шогсӧ да мучитчӧмсӧ сы мында, мыйта сійӧ курыштіс аслыс озырлунсӧ да ошкӧмсӧ. Ӧд сійӧ ошйысьӧ ас йывсьыс: «Ме – ӧксы-ань, пукала юралан пуклӧсын, ме абу дӧва, шогсӧ ог тӧд».

Восьтӧм 3:17

Тэ шуан: ”Ме озыр, ме ёна нин озырми, менам ставыс эм”. Но тэ ӧмӧй он гӧгӧрво, мый тэ – коньӧрсьыс-коньӧр, шудтӧм, гӧль, синтӧм да пасьтӧм.