Римӧ 11:16 - Коми Библия 2023

¹⁶ Медводдза пӧжасыс кӧ вежа, сідзкӧ, кӧтасыс ставнас вежа. Пулӧн вужйыс кӧ вежа, вожъясыс тшӧтш вежаӧсь.

Римӧ 11:16 Iomraidhean Croise

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Петӧм 22:29

Энӧ ньӧжмасьӧй вайны Меным асланыд гумла вывсьыд да виноград пычканінсьыд медводдза босьтӧмторъяснытӧ. Сетӧй Меным медводдза пинытӧ.

Петӧм 23:16

Пасйӧй Нянь вундан гаж, кор му вывсьыд вунданныд медводдза няньнытӧ. Пасйӧй во помын Чомӧр гаж, кор быдтас-вотӧснытӧ чукӧртанныд.

Петӧм 23:19

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Шусьӧгъяс 3:9

Пыдди пукты Господьӧс – сет аслад эмбурысь, вай Сылы ассьыд медводдза няньтӧ да вотӧстӧ,

Еремей 2:21

Ме пукті да быдті тэнӧ, тэ вӧлін бур вотӧс вайысь виноград пу кодь, артмин медся бур кӧйдысысь, но лоин мӧд виноград пулӧн вожйӧн.

Езекиль 44:30

Медводдза быдтасыс да быдсяма вайӧмторйыс вичмӧ попъяслы. Выль пызьысь медводдза пӧжаснытӧ сетӧй попъяслы, медым тіянлысь керканытӧ вӧлі бурсиӧма.

Левит 23:10

висьтавны Израиль пиянлы: «Кор ті овмӧдчанныд сійӧ муас, мый Ме сета тіянлы, да вунданныд сэні нянь, вайӧй медводдза кольтанытӧ поплы.

Римӧ 11:17

Быдтӧм олив пуысь кӧ ӧткымын вож чегисны, а тэнӧ, вӧрса олив пу вожӧс, йитісны чегӧминас, и тэ мукӧд вожыскӧд ӧти вужсянь кутін босьтны быдман вынсӧ,

Римӧ 8:23

Да оз сӧмын найӧ, тшӧтш ми, кодъяслӧн эм Енсянь Лолыс, тайӧ медводдза сетӧмторйыс, ружтӧмӧн-ойзӧмӧн виччысям Енлӧн ныв-пиӧн лоӧмсӧ, вир-яйным вӧсна вештысьӧмсӧ.

1 Коринфӧ 7:14

Тадзи эскысь гӧтырыс пыр Енмыс вежӧдӧ эскытӧм верӧссӧ, и мӧдарӧ, эскысь верӧсыс пыр вежӧдӧ эскытӧм гӧтырсӧ. Эз кӧ вӧв тадзи, тіян ныв-пиныд эськӧ вӧліны пежӧсь, но ӧні найӧ вежаӧсь.

Индӧд 18:4

Сетӧй поплы тшӧтш медводдза вундӧм нянь, выль вина да олив вый, а сідзжӧ нигӧн вурун.

Индӧд 26:10

Со ме вайи медводдза быдтас тайӧ муысь, мый Тэ, Господьӧй, сетін меным [муысь, кӧні визувтӧ йӧв да ма]”. Сэсся вайӧмтортӧ пукты аслад Господь Ен водзӧ да копыртчы Сы водзӧ.

Яков 1:18

Ас кӧсйӧм сертиыс Сійӧ чужтіс миянӧс збыльыслӧн кывнас, медым Сылӧн вӧчӧмторъясысь ми вӧлім медводдзаясӧн.

Восьтӧм 14:4

Тайӧ йӧзыс эз пежавны асьнысӧ аньяскӧд узьлӧмӧн, найӧ сӧстӧмӧсь. Найӧ мунӧны Баля бӧрся быдлаӧ, кытчӧ Сійӧ мунӧ. Найӧс ньӧбӧма мувывса йӧз пӧвстысь, найӧ – медводдза вайӧмтор Енмыслы да Балялы.