Римӧ 11:12 - Коми Библия 2023

¹² Налӧн крукасьӧмыс кӧ вайис озырлун муюгыдыслы да Енсьыс кежӧмыс кӧ озырмӧдіс ентӧдтӧмъясӧс, сэки мыйта озырлун ваяс став Израильлӧн Ен дінӧ бергӧдчӧмыс?

Римӧ 11:12 Iomraidhean Croise

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Микей 5:7

Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Ап. уджъяс 3:21

Енмыс босьтіс Сійӧс енэжас, и Сійӧ лоӧ сэні, кытчӧдз ставсӧ оз ло лӧсьӧдӧма воддза мозыс. Та йылысь важысянь Енмыс висьтавліс Аслас вежа пророкъяс пыр.

Римӧ 11:15

Найӧс ӧтдортӧмыс кӧ вайис бурасьӧм муюгыдыслы, сэки мый ваяс найӧс сибӧдӧмыс? Оз-ӧ кулӧмысь ловзьӧм?

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

Римӧ 11:33

Енлӧн озырлуныс пыдӧстӧм, Сылӧн мывкыдлуныс да тӧдӧмлуныс шымыртны вермытӧм. Сылӧн мыждана кывъясыс вежӧрӧ тӧрӧдтӧмӧсь, Сылысь туйяссӧ он вермы туявны!

Римӧ 9:23

медым петкӧдлыны Ассьыс помасьлытӧм дзирдлунсӧ ”буралӧмыслӧн дозъяс” вылын, кодъясӧс дасьтӧма дзирдавны.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Колосӧ 1:27

Енмыс кӧсйис, мед найӧ тӧдісны дзирдлуныслысь гусяторсӧ, мый воссьӧ став войтыръяслы. А гусяторйыс сыын, мый Кристос тіян пытшкын, локтана дзирдлуныс вылӧ лачаныд.