Римӧ 10:19 - Коми Библия 2023

¹⁹ Нӧшта юала: «Израиль ӧмӧй эз гӧгӧрво?» Ӧд Мӧисей пыр на Енмыс шуліс: – Ме кыпӧда тіян пытшкын вежалӧм войтыр дінӧ, кодӧс оз позь шуны войтырӧн, дӧзмӧда тіянӧс вежӧртӧм войтыр пыр.

Римӧ 10:19 Iomraidhean Croise

Еремей 10:14

Быд морт мывкыдтӧм, сылӧн тӧдӧмлуныс абу, идолъясӧс сывдысь-вӧчысьӧс лоӧ янӧдӧма, ӧд сылӧн бӧлбанъясыс – ылӧг енъяс, на пытшкын олӧмыс абу.

Еремей 10:8

Став войтыръясыс вежӧртӧмӧсь да мывкыдтӧмӧсь, и пуысь вӧчӧмтор оз вермы велӧдны найӧс.

Осий 2:23

Ме кӧдза Ассьым войтырӧс тайӧ муас, бурсьӧлӧмтча Ло-Рухама дінӧ, Ло-Аммилы шуа: «Тэ – Менам войтырӧй», а сійӧ шуас: «Менам Енмӧй!»

Римӧ 10:18

Юала: «Найӧ ӧмӧй эз кывлыны?» Кывлісны, дерт. – Став му пасьталаыс юргӧ налӧн гӧлӧс шыныс, муюгыдыслӧн медылі пельӧсӧдз воӧны налӧн кывъясыс.

Римӧ 11:11

Сідзкӧ, найӧ ӧмӧй усьмӧныс крукасисны? Эз. Налӧн крукасьӧмыс вайис мездмӧм ентӧдтӧмъяслы, и та вӧсна на пытшкын кыптіс вежалӧм.

Римӧ 11:14

Гашкӧ, верма кыпӧдны ас войтыр пытшкын веж петӧмсӧ да отсавны мездмыны кодсюрӧлы.

1 Коринфӧ 1:12

Ме сёрнита сы йылысь, мый тіян пӧвстысь кодкӧ шуӧ, ме пӧ Павеллӧн, мӧд шуӧ, ме пӧ Аполослӧн, коймӧд шуӧ, ме пӧ Кифалӧн, а нёльӧд шуӧ, ме пӧ Кристослӧн.

1 Коринфӧ 10:19

Сідзкӧ, мый кӧсъя шуны тайӧн? Гашкӧ, идолыс либӧ идоллы вайӧм висьыс мыйӧнкӧ тӧдчана?

1 Коринфӧ 11:22

Ті ӧмӧй онӧ вермӧй гортаныд сёйны-юнысӧ? Мыйла нӧ нинӧм туйӧ пуктанныд Енлысь вичкосӧ да увтыртанныд гӧльясӧс? Мый меным шуны тіянлы? Гашкӧ, ошкыны тіянӧс? Ог кут!

1 Коринфӧ 12:2

Кор ті вӧлінныд ентӧдтӧмъясӧн на, тіянӧс ёна кыскис сёрниттӧм идолъяс дінӧ. Ті асьныд тӧданныд та йылысь.

1 Коринфӧ 15:50

Вокъяс, кӧсъя висьтавны тіянлы, мый тайӧ мувывса вир-яйлы оз вичмы Енлӧн Юраланіныс, ӧд тайӧ вир-яйыс сісьмана.

1 Коринфӧ 7:29

Вокъяс, кӧсъя шуны тіянлы, мый кадыс коли этша нин. Та вӧсна гӧтыра морт мед олӧ гӧтыртӧм моз,

Индӧд 32:21

Ылӧг енъяслы юрбитӧмнас найӧ кыпӧдісны Ме пытшкын вежӧгтӧм, идолъяснас дӧзмӧдісны Менӧ. Та вӧсна Ме кыпӧда на пытшкын вежӧгтӧм войтыр пыр, кодӧс оз позь шуны войтырӧн, дӧзмӧда найӧс вежӧртӧм войтыр пыр.

Титлы 3:3

Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.

1 Петыр 2:10

Водзынсӧ ті энӧ вӧлӧй Ен войтырӧн, ӧні ті – Ен войтыр. Водзынсӧ олінныд Енлӧн буралӧмтӧг, ӧні тіянлы вичмис Енлӧн буралӧмыс.