Псалтыр 95:3 - Коми Библия 2023

³ Висьтавлӧй войтыръяслы Сылӧн дзирдлуныс йылысь, быд войтырлы – Сылӧн шензьӧдана уджъясыс йылысь.

Псалтыр 95:3 Iomraidhean Croise

Неемий 8:6

Ездра ошкис Господьӧс, ыджыд Енмӧс. А став войтырыс кинысӧ вывлань лэптӧмӧн шуаліс: «Аминь! Аминь!» Сэсся найӧ муӧдзыс копыртчӧмӧн юрбитісны Господьлы.

Псалтыр 104:1

Ошкӧй Господьӧс, шыасьӧй Сы дінӧ, войтыръяс пӧвстын висьтавлӧй Сылӧн уджъясыс йылысь!

Псалтыр 135:5

Сійӧ бур мывкыдӧн вӧчис енэжъяс, Сылӧн буралӧмыс оз помасьлы.

Псалтыр 145:3

Энӧ кутӧй лачанытӧ юралысь вылӧ, морт вылӧ, коді оз вермы мездыны.

Псалтыр 47:2

Господь ыджыд! Ёна ошкӧй миянлысь Еннымӧс Сылӧн карын, Сылӧн вежа керӧс вылын!

Псалтыр 47:3

Сион керӧс мича да джуджыд, став му пасьтала нимкодясьӧны сыӧн. Керӧслӧн войвывладорын сулалӧ ыджыд Ӧксылӧн карыс.

Псалтыр 96:4

Сылӧн чардбиыс югзьӧдлӧ муюгыдсӧ, муыс аддзӧ тайӧс да сыркмунлӧ.

Псалтыр 97:9

Господь водзын, ӧд Сійӧ локтӧ мыждыны мусӧ. Сійӧ кутас веськыда мыждыны муюгыдсӧ, кутас мыждыны войтыръясӧс Аслас веськыдлуныс серти.

Петӧм 12:12

Дзик тайӧ войӧ Ме муна Египет муӧд да виа тайӧ муысь быд медводдза чужысьӧс йӧз пӧвстысь и ыж-мӧс пӧвстысь. Тадзи Ме мыжда египетса став енсӧ, ӧд Ме – Господь.

Петӧм 18:11

Ӧні ме тӧда, мый Господь став енсьыс ыджыд, ӧд Израиль войтырӧс Сійӧ мездіс вылӧ кыпӧдчысь египетсаяслӧн кипод улысь».

Исай 44:8

Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Еремей 48:15

Моавӧс лоӧ пазӧдӧма, сылысь каръяссӧ бырӧдасны, медбур зонъяссӧ начкасны, – висьталӧ Ӧксы, кодлӧн нимыс Господь Саваоф. –

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Малакий 1:14

Ёрӧма пӧръясьысьӧс, коді дзоньвидза ай пемӧссӧ кӧсйысьӧ вись пыдди вайны Господьлы, но вайӧ висьысьӧс. Тӧдӧй, Ме – ыджыд Ӧксы, – висьталӧ Господь Саваоф, – и Менам нимысь полӧны войтыръяс.

Матвей 5:35

Эн сет кывтӧ му водзын – сійӧ Енлӧн кок улыс. Эн сет кывтӧ Ерусалим кар водзын – сійӧ ыджыд Ӧксылӧн кар.

Индӧд 7:21

Энӧ полӧй наысь, ӧд тіянкӧд Господь, тіян Енныд. Сійӧ ыджыд да повзьӧдана Ен.