Псалтыр 90:2 - Коми Библия 2023

² шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».

Псалтыр 90:2 Iomraidhean Croise

Олӧм 1:1

Медводз Ен вӧчис енэж да му.

Иов 15:7

Гашкӧ, тэ медводдза мортӧн чужин, керӧсъясысь водзджык тэнӧ вӧлі вӧчӧма?

Иов 36:26

Енмыс сэтшӧм ыджыд, ми огӧ вермӧй тӧдмавны Сійӧс, огӧ вермӧй артавны Сылысь вояссӧ.

Псалтыр 102:13

Кыдзи батьыс буралӧ ныв-пиыс дінӧ, сідзи Господь буралӧ Сыысь полысьяс дінӧ.

Псалтыр 103:17

Налӧн вожъяс вылӧ поздысьӧны лэбачьяс, сэтчӧ поздысьӧны аистъяс.

Псалтыр 146:6

Рам сьӧлӧмаӧс Господь кыпӧдӧ, а лёк вӧчысьӧс уськӧдӧ муӧдзыс.

Псалтыр 33:9

Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.

Псалтыр 93:2

Кыпӧдчы, муюгыдсӧ Мыждысьӧй, мынтысь вылӧ кыпӧдчысьяслы налӧн уджъясыс серти.

Петӧм 8:6

Аарон нюжӧдіс кисӧ египетса ваяслань [да петкӧдіс сэтысь жабаясӧс]. Жабаяс петісны да вевттисны ставнас Египет мусӧ.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 45:22

Шыасьӧй Ме дінӧ, му помъясын олысьяс, и ті мездманныд. Ӧд Ме – Енмыс, и мӧдыс абу.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Даниил 7:9

Сэсся ме аддзи сувтӧдӧм юралан пуклӧсъяс, и важысянь Олысь пуксис. Сылӧн паськӧмыс вӧлі лым кодь еджыд, юрсиыс – еджыд вурун кодь. Сылӧн юралан пуклӧсыс вӧлі ыпъялысь би кодь, пуклӧс гӧгыльясыс вӧліны яра сотчысь би кодьӧсь.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Еврейяслы 13:8

Исус Кристос тӧрыт, талун да нэмъяс чӧж Сійӧ жӧ.

Восьтӧм 1:8

«Ме эм Альфа и Омега, Панасыс и Помыс», – шуӧ Господь. Сійӧ эм, вӧлі и локтас, Сійӧ – Ставсӧвермысьыс.