Псалтыр 87:6 - Коми Библия 2023

⁶ менӧ кольӧма кулӧмаяс пӧвстӧ, гуын куйлысь виӧмаяс дінӧ. Найӧс Тэ он нин казьтыв, Тэнад киыд найӧс оз нин видз.

Псалтыр 87:6 Iomraidhean Croise

Исай 4:3

Сэки Сион-Ерусалимын ловйӧн кольӧмаясӧс кутасны шуны вежаясӧн. Тадзи шуасны Ерусалимын олысьясӧс, кодъясӧс гижӧма ловъяяслӧн небӧгӧ.

Еремей 3:19

– Ме, Господь, мӧвпышті, мый войтыръяс пӧвстысь Ме бӧръя тэнӧ, сета тэныд бур му, вичмӧда войтыръяслысь мича мусӧ. Ме чайті, тэ пондан шуны Менӧ Батьӧн да он бергӧдчы Меысь.

Езекиль 13:9

Ме лэпта киӧс да мыжда пророкъясӧс, кодъяс абутӧмсӧ аддзӧны да ылӧгсӧ юӧртӧны. Менам войтырлӧн чукӧртчӧмын налы лоны оз позь, Израиль войтырлӧн небӧгӧ найӧс оз гижны, Израиль муӧ найӧ оз пырны. Сэки ті тӧдмаланныд, мый Ме – Господь Ыджыдыс.

Езекиль 9:4

да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».

Лука 10:20

Энӧ нимкодясьӧй сыысь, мый пеж ловъяс кывзысьӧны тіянлысь, а нимкодясьӧй сыысь, мый тіянлысь нимъяснытӧ гижӧма енэжас».

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.

Восьтӧм 20:15

Быдӧнӧс, кодлысь нимсӧ эз вӧв гижӧма Олӧмыслӧн небӧгӧ, шыбитісны биа тыӧ.