Псалтыр 64:5 - Коми Библия 2023

⁵ Шуда сійӧ, кодӧс Тэ бӧрйин да матыстін Ас дінад, медым сійӧ оліс Тэнад крамын. Пӧткӧд миянӧс Аслад вежа крамлӧн бурлуннас.

Псалтыр 64:5 Iomraidhean Croise

Олӧм 20:13

Кор Ен тшӧктіс меным петны бать керкаысь да ветлыны муясӧд, ме кори гӧтырӧс вӧчны меным буртор – шуны менӧ аслас вокӧн быдлаын, кытчӧ ми воам».

Иов 22:13

А тэ шуан, мый Енмыс оз тӧд, оз аддзы, оз вермы мыждыны сап пемыд пырыс,

Псалтыр 140:5

Веськыда олысь мед чирыштас менӧ – тайӧ лоӧ меным бур вылӧ. Сійӧ мед янӧдас менӧ, ӧд тайӧ мавтыштан вый менам юрлы. Ме ог паныд сувт, дугдывтӧг кевмыся, медым мыжаяс эз вӧчны лёксӧ.

Псалтыр 59:7

Мезды Ассьыд мусаястӧ, дорйы найӧс Аслад веськыд кинад, вочавидз меным!

Псалтыр 94:7

Ӧд Сійӧ – миян Ен, а ми – Сылӧн йӧрысь ыжъясыс, Сійӧ видзӧ миянӧс. Ті кӧ талун кыланныд Сылысь гӧлӧс шысӧ,

Петӧм 15:9

«Суӧда, – шуис вӧтӧдысь, – тшапнита да юкла кыйдӧсӧс, тадзи бурмӧда сьӧлӧмӧс. Перъя шыпуртӧс да ставнысӧ сутшкала».

Исай 41:6

Найӧ отсасьӧны ӧта-мӧдныслы, ышӧдӧны ӧта-мӧднысӧ лоны зумыдӧн.

Езекиль 8:12

Господь шуис меным: «Морт пиӧй, аддзан-ӧ, мый Израильлӧн юрнуӧдысьясыс вӧчӧны асланыс пемыд жыръясын, кӧні серпасалӧма идолъясӧс? Найӧ шуӧны, Господь пӧ оз аддзы миянӧс, Сійӧ пӧ эновтӧма тайӧ мусӧ».

Лыд 22:6

Кора тэнӧ, волы да ёр тайӧ войтырсӧ, ӧд сійӧ ме дорысь ёнджык. Гашкӧ, сэсся ме верма пасьвартны да вӧтлыны найӧс татысь. Ме тӧда: кодӧс тэ бурсиан, сійӧс лоӧ бурсиӧма, а кодӧс тэ ёран, сійӧс лоӧ ёрӧма».

Матвей 23:15

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті мусӧ и васӧ вуджанныд, медым аддзыны тіян бӧрся ӧти мунысьӧс. А сюрас кӧ, ті вӧчанныд сыысь адӧ мунысьӧс, кык пӧв лёкджыкӧс на ас дорсьыныд.

Восьтӧм 11:10

Мувывса йӧзыс кутасны нимкодясьны да гажӧдчыны, весиг козьналасны ӧта-мӧдныслы козинъяс, ӧд тайӧ кык пророкыс ёна мучитісны найӧс.

Ёрдысьяс 20:22

Израильсаяс рытӧдзыс бӧрдісны Господь водзын. Найӧ юалісны Господьлысь: «Колӧ-ӧ миянлы бара петны тышӧ Венямин чужанкотырлы, миян вокъяслы, паныд?» Господь вочавидзис: «Петӧй». Сэки израильсаяс збоймӧдчисны да бара лӧсьӧдчисны петны тышӧ сійӧ жӧ местаас, кӧні водзынсӧ тышкасисны.