Псалтыр 6:6 - Коми Библия 2023

⁶ Кулӧм мортыд оз нин казьтыв Тэнӧ, гуын куйлысь оз нин ошкы Тэнӧ.

Псалтыр 6:6 Iomraidhean Croise

Иов 10:1

Меным зывӧк аслам олӧмӧй, норасьӧмӧс ас пытшкам ог кут, ме кута сёрнитны, ӧд дзескыд менам ловлы.

Иов 16:20

Менам ёртъясӧй лёкӧдӧны менӧ, но ме Ен водзын кисьта синваӧс.

Иов 23:2

– Менам норасьӧмӧй и талун курыд, сьӧкыдалӧмӧй ойзӧм дорысь ыджыд.

Иов 7:3

Меным вичмисны ковтӧм тӧлысьяс, индӧма сьӧкыд войяс.

Псалтыр 30:10

Господьӧй, ло бур сьӧлӧма ме дінӧ, меным ӧд ёна сьӧкыд. Курыд шогысь жебмис менам синмӧй, топаліс менам лолӧй да пытшкӧсӧй.

Псалтыр 38:9

Мезды менӧ став менам мыжысь, эн лэдз мывкыдтӧм йӧзлы серавны ме вылын.

Псалтыр 39:12

Господьӧй, эн тупкы меысь Ассьыд бурлунтӧ. Тэнад буралӧмыд да збыльыд мед дугдывтӧг видзасны менӧ.

Псалтыр 42:3

Мӧдӧд Ассьыд югыдтӧ да збыльтӧ! Найӧ мед нуӧдасны менӧ, мед вайӧдасны Тэнад вежа керӧс вылӧ, Тэнад оланінӧ.

Псалтыр 69:3

Мед яналасны да лоӧны серамтуйынӧсь менсьым олӧмӧс корсьысьяс. Мед бӧр бергӧдчасны да лоӧны серамтуйынӧсь меным лёксӧ кӧсйысьяс.

Псалтыр 88:11

Тэ кувтӧдз пасьвартін Рахавӧс, саридзын олысь зверӧс, вына кинад вӧтлін вӧрӧгтӧ.

Псалтыр 88:9

Господьӧй, Ен Саваоф, Тэ кодь вынаыс абу, Тэ быдторйын эскана Ен.

Исай 38:18

Оз пыдӧстӧминыс аттьӧав Тэнӧ, оз кулӧмыс ошкы Тэнӧ, оз гортйын куйлысьяс лача кутны Тэнад эсканлуныд вылӧ.

Еремей 14:17

– Висьтав налы тайӧ кывъяссӧ: лун и вой мед киссяс менам синваӧй, мед оз дугдыв менам бӧрдӧмӧй, ӧд менсьым войтырӧс пасьвартӧма, сійӧс сьӧкыда дойдалӧма.

Бӧрданкыв 1:16

Та вӧсна ме бӧрда, синваӧй шорӧн визувтӧ. Ылын меысь бурӧдысьӧй, коді эськӧ ловзьӧдіс менӧ. Челядьӧс пасьвартӧма, ӧд вӧрӧг вӧлі вынаджык.

Бӧрданкыв 1:2

Войнас сійӧ ырзӧмӧн бӧрдӧ, синваыс чужӧмбанӧдыс тюрӧ. Сійӧс бурӧдысьыс абу, весиг на пӧвстын, кодъяслы сійӧ вӧлі муса. Ёртъясыс пӧрйӧдлісны сійӧс, кутісны мустӧмтны.

Бӧрданкыв 2:11

Синмӧй пемдіс бӧрдӧмсьыс, пытшкӧсӧй шызьӧма, сьӧлӧмӧй потӧ шогысла, ӧд менсьым войтырӧс бырӧдӧма, челядь да пузчужӧм кагаяс тшыгйысла кулӧны карса изэрдъяс вылын.

Лука 7:38

Исуслӧн кок дорӧ копыртчӧмӧн сійӧ бӧрдіс, сылӧн синваыс визувтіс Исуслы кок вылас. Сійӧ чышкаліс Исуслысь коксӧ аслас юрсиӧн да окалігмоз мавтіс выйӧн.