Псалтыр 53:5 - Коми Библия 2023

⁵ Локтысь йӧз кыпӧдчисны меным паныд, лёк вӧчысьяс корсьӧны босьтны менсьым олӧмӧс, Енсӧ найӧ нинӧм туйӧ пуктӧны.

Псалтыр 53:5 Iomraidhean Croise

Иов 15:21

Повзьӧдлан шы жвиньгӧ сылӧн пеляс, лӧньлун дырйи локтӧ сійӧс бырӧдысь.

Псалтыр 14:5

Сьӧмсӧ водзӧсӧн сетӧмысь сійӧ бӧрсӧ унджык оз босьт, козинъяс оз босьт, медым мыждыны мыжтӧм мортӧс. Тадзи вӧчысь некор оз усь.

Псалтыр 141:7

Петкӧд менсьым лолӧс пемыдінысь, медым ме верми ошкыны Тэнсьыд нимтӧ. Кор Тэ петкӧдлан ме дінӧ Ассьыд бурлунтӧ, сэки ме гӧгӧр чукӧртчасны веськыда олысьяс.

Псалтыр 2:4

Но енэжъясын Олысь сералас на вылын, Господь янӧдас найӧс.

Псалтыр 35:4

Сылӧн вомысь петӧны ылӧг да наян кывъяс, сійӧ оз кӧсйы вежӧрсявны да вӧчны бурсӧ.

Псалтыр 40:14

Ошкӧм Господьлы, Израильлӧн Енлы, нэмъяссянь нэмъясӧдз! Аминь, аминь!

Псалтыр 73:20

Эн вунӧд Ассьыд йитӧдтӧ, ӧд му вылас став пемыд пельӧсыс тырӧма виалӧм-дзескӧдӧмӧн.

Шусьӧгъяс 28:1

Лёк вӧчысь пышйӧ, весиг кӧ сійӧс оз вӧтӧдны, но веськыда олысь лев кодь повтӧм.

Еремей 49:15

– Эдом, Ме вӧча тэнӧ войтыръяс пӧвстын медічӧтӧн, йӧз пӧвстын мустӧмӧн.

Еремей 6:30

Найӧс шуасны ковтӧм эзысьӧн, ӧд Господь ӧтдортіс найӧс.

Бӧрданкыв 2:6

Сад йӧрысь чомйӧс моз Сійӧ кисьтіс Ассьыс оланінсӧ, бырӧдіс войтырыслысь вежа чукӧртчанінсӧ. Господь лэдзис вунӧдны Сионын гажӧдчан лунъяс да шойччан лунъяс, ёна скӧралігас янӧдіс ӧксыӧс да попъясӧс.

Езекиль 6:5

Израиль пиянлысь шойяссӧ пукта идолъясныс водзӧ, лыяснысӧ пазӧда налӧн висьпуктанінъяс гӧгӧр.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Левит 26:36

Тіян пӧвстысь ловйӧн кольӧмаяс кутасны овны вӧрӧглӧн муын. Сэні Ме тіян сьӧлӧмӧ пукта полӧм. Коръяслӧн кышакылӧмысь ті пышъянныд шыпуртысь моз да усянныд, кӧть вӧтӧдысьыс оз ло.

Ӧксыяслӧн 1 небӧг 14:15

Филистимсаяслӧн чукӧртчанінын да тышкасянінын став йӧзыс зэв ёна повзисны. Водзын мунысь да мусӧ куштысь тышкакотыръясӧс дзӧрӧм босьтіс. [Найӧ весиг эз кӧсйыны тышӧ петны.] Муыс сыркмунліс. Господь ыстіс йӧзыслы полӧм.