Псалтыр 37:3 - Коми Библия 2023

³ Тэнад ньӧвъясыд сатшисны меӧ, Тэнад киыд личкӧ менӧ.

Псалтыр 37:3 Iomraidhean Croise

Олӧм 26:2

Господь петкӧдчис Исааклы да шуис: «Эн мун Египетӧ, а ов сійӧ муас, кӧні Ме тшӧкта.

Олӧм 26:3

Кольччы татчӧ. Ме бурсиа тэнӧ да лоа тэкӧд. Тэныд да тэсянь чужысьяслы сета ставнас тайӧ мусӧ, збыльмӧда Ӧвраам батьыдлы сетӧм кывйӧс.

Ӧксыяслӧн 3 небӧг 19:6

Илля видзӧдліс да аддзис юр дорсьыс пӧжалӧм сӧчӧн да ва тыра гырнич. Илля сёйыштіс-юыштіс да бара водіс.

Псалтыр 26:1

Давидлӧн псалом. [Давид лӧсьӧдіс тайӧ сьыланкывсӧ сійӧс ӧксыӧ мавтышттӧдз.] Господь – менам югыдыс, менӧ Мездысьыс. Кодысь меным повнысӧ? Господь – менсьым олӧмӧс Видзысьыс. Кодысь меным повнысӧ?

Псалтыр 33:19

Господь матын шогсьысь сьӧлӧмаяс дінӧ, ловнас усьӧмаясӧс Сійӧ мездӧ.

Псалтыр 4:5

Скӧраліганыд энӧ мыжмӧй. Вольпасяд куйлігӧн чӧв олӧй да мӧвпалӧй ас пытшканыд.

Псалтыр 62:8

Ӧд Тэ – меным отсӧг сетысьыс, Тэнад бордъяс улын ме кута долыда нимкодясьны.

Шусьӧгъяс 3:5

Эскы Господьлы став сьӧлӧмнад, эн аслад вежӧр вылӧ подулась.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Лука 22:35

Исус юаліс велӧдчысьяслысь: «Кор Ме мӧдӧдлі тіянӧс сьӧмтӧг, ноптӧг да кӧмтӧг, тіянлы ӧмӧй эз тырмывлы мыйкӧ?» Найӧ шуисны: «Ставыс вӧлі».

Индӧд 30:20

да радейтінныд Господьӧс, ассьыныд Ентӧ, кывзысинныд Сылысь да кутчысинныд Сы дінӧ. Сэки ті кутанныд дыр овны сійӧ муас, мый Господь [Ен] кыв сетӧмӧн кӧсйысис сетны тіян батьяслы – Ӧвраамлы, Исааклы да Яковлы».

Ӧксыяслӧн 1 небӧг 26:19

Кывзы менӧ, ӧксыӧй-ыджыдӧй! Господь кӧ ышӧдіс тэнӧ меным паныд, мед висьлӧн чӧскыд дукыс бурмӧдас Сылысь сьӧлӧмсӧ. А йӧз кӧ ышӧдісны, мед лоӧ ёрӧма найӧс Господь водзын, ӧд найӧ вӧтлісны менӧ Господьлӧн муысь да тшӧктісны юрбитны мукӧд енъяслы.