Псалтыр 31:5 - Коми Библия 2023

⁵ Но ме восьті Тэныд ассьым мыжӧс, эг дзеб ассьым лёк вӧчӧмӧс. Ме шуи: «Висьтася Господьлы аслам лёк вӧчӧмысь», и Тэ прӧститін менсьым мыжӧс.

Псалтыр 31:5 Iomraidhean Croise

Олӧм 48:16

Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Левит 25:48

сэки вузалӧм мортӧс позьӧ ньӧбӧмӧн мездыны. Вокъясыс пиысь мед кодкӧ ньӧбас сійӧс.

Лука 23:46

Исус ыджыд шыӧн горӧдіс: «Батьӧй, Тэнад киӧ сета Ассьым лолӧс!» Тайӧс шуӧм бӧрын лолыс петіс.

Ап. уджъяс 7:59

Кор Степанӧс изъялісны, сійӧ кевмысис: «Исусӧй, Господьӧй, босьт менсьым лолӧс».

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

2 Тимофейлы 2:13

Ми кӧ эновтам Сійӧс, Сійӧ оз эновт миянӧс, ӧд Ачыс Ассьыс соссьыны оз вермы.

Титлы 1:2

да помтӧм олӧм вылӧ лачаӧн. Помтӧм олӧмсӧ Ен кӧсйысис му пуксьытӧдзыс на, и Ассьыс кывсӧ Сійӧ оз веж.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.