Псалтыр 25:11 - Коми Библия 2023

¹¹ Но ме ола сӧстӧма. Мезды менӧ, [Господьӧй,] ло бур сьӧлӧма ме дінӧ!

Псалтыр 25:11 Iomraidhean Croise

Псалтыр 143:11

Дорйы да мезды менӧ локтысь йӧз киысь! Налӧн вомысь петӧ ылӧгыс, кинысӧ лэптӧмӧн найӧ ылӧг кыв сетӧны.

Псалтыр 31:3

Кытчӧдз ме эг висьтав ассьым мыжӧс, менам лыясӧй косьмисны быдлунъя бӧрдӧмысь.

Псалтыр 79:9

Египетысь Тэ вайин виноград вожтӧ, вӧтлін войтыръясӧс, а вожтӧ вужйӧдін.

Петӧм 34:7

Ме видза [веськыдлунсӧ да восьта] буралӧмсӧ сюрс чужанвужйӧдз, прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь да водзӧ чужысьяслысь коймӧд да нёльӧд чужанвужйӧдз».

Исай 43:25

Ас ради Ме Ачым чышкышта тэнсьыд лёк вӧчӧмъястӧ, тэнсьыд мыжъястӧ ог нин казьтывлы.

Исай 48:9

Аслам нимӧй вӧсна Ме ог кисьт Ассьым скӧрлунӧс, Аслам нималӧмӧй вӧсна Ме кута Ачымӧс тэнӧ бырӧдӧмысь.

Еремей 14:7

– Мыжъясным мыждӧны миянӧс, но Тэ, Господьӧй, отсав миянлы Аслад нимыд ради. Ми унаысь эновтлім Тэнӧ, мыж вӧчим Тэныд паныд.

Езекиль 20:9

Но Аслам нимӧй вӧсна Ме тайӧс эг вӧч, медым Менсьым нимӧс эз ло янӧдӧма мукӧд войтыръяс водзын, кодъяс пӧвстын найӧ вӧлі олӧны. Ӧд тайӧ войтыръясыслӧн син водзын Ме восьті Ачымӧс Израиль войтырлы, кор петкӧді найӧс Египет муысь.

Езекиль 36:22

Та вӧсна шу Израиль войтырлы, мый Господь Ыджыдыс тадзи висьталӧ: Израиль войтыр, ог тіян вӧсна вӧч сійӧс, мый водзӧ кута вӧчны, а Аслам вежа нимӧй вӧсна. Ӧд ті янӧдінныд Менсьым нимӧс войтыръяс пӧвстын.

Римӧ 5:15

Но мыж вӧчӧмсӧ оз позь ӧткодявны буралӧмкӧд. Ӧти мортлӧн мыжыс вайис ставныслы кулӧм, и тшӧтш ӧти морт пыр, Исус Кристос пыр, дзик ставныслы уна пӧвстӧн вичмӧ Енсянь буралӧм да сетӧмторъяс.

1 Иоан 2:12

Челядь, тіянлы гижа, ӧд Кристос ним вӧсна прӧститӧма мыжнытӧ.