Псалтыр 144:14 - Коми Библия 2023

¹⁴ Господь кутыштӧ нюкыртчӧмаӧс, Сійӧ лэптӧ усьӧмаӧс.

Псалтыр 144:14 Iomraidhean Croise

Иов 39:11

Сылӧн ыджыд выныс вылӧ ӧмӧй пондан лачатӧ кутны, сы вылӧ ӧмӧй уджъястӧ ӧшӧдан?

Исай 24:11

Вина абутӧм вӧсна карса туйяс вылын кылӧ бӧрдӧм, гажӧдчӧмыс кусіс, нимкодьлуныс эновтіс муюгыдсӧ.

Исай 65:19

Ме понда нимкодясьны Ерусалимӧн, долыда нимкодясьны Аслам войтырӧн. Сэні некор оз кут кывны бӧрдӧм-горзӧм.

Еремей 14:18

Видз-му вылын куйлӧны шыпуртӧн виӧмаяс, карын – тшыгъялӧмысь кулӧмаяс. Пророк да поп шӧйтӧны-ветлӧны му вывті, оз тӧдны, мый вӧчны.

Еремей 14:2

– Иуда му бӧрдӧ, каръяслӧн дзиръяясыс вежыньтчисны, шогсьӧны муыс вӧсна, Ерусалимысь кыптӧ бӧрдӧм шы.

Левит 26:6

Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:7

Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд.

Ёрдысьяс 5:8

Войтырыс вӧлі бӧрйӧма выль енъясӧс, та вӧсна дзиръя дорӧдз вӧрӧг локтіс. Израильын вӧлі нелямын сюрс тышкаморт, но сайӧдыс-шыпуртыс налӧн эз вӧв.

Ёрдысьяс 6:3

Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,

Ёрдысьяс 6:6

Мадиансаяс понда Израиль войтыр дзикӧдз гӧльмис. Сэки Израиль пиян шыасисны Господь дінӧ.

Ӧксыяслӧн 1 небӧг 31:7

Ковтыс мӧдарладорын да Йӧрдан ю сайын олысь израильсаяс кор кылісны, мый израильса тышкайӧз пышйӧмаӧсь, а Саул пияныскӧд абу нин ловъяӧсь, сэки эновтісны ассьыныс каръяснысӧ да пышйисны. А филистимсаяс локтісны да овмӧдчисны сэтчӧ.