Псалтыр 139:3 - Коми Библия 2023

³ Ас пытшканыс найӧ мӧвпалӧны лёксӧ вӧчны, быд лун найӧ зыксьӧны.

Псалтыр 139:3 Iomraidhean Croise

Ӧксыяслӧн 2 небӧг 11:27

Бӧрдан лунъяс помасьӧм бӧрын Давид тшӧктіс вайӧдны сійӧс аслас керкаӧ. Давид босьтіс сійӧс гӧтырӧ, и мӧдыс чужтіс сылы пиӧс. Давидлӧн татшӧмтор вӧчӧмыс вӧлі Господь водзын зэв ыджыд лёкторйӧн.

Ӧксыяслӧн 2 небӧг 8:14

Став Эдом пасьтала сійӧ сувтӧдаліс тышкакотыръяс. Эдомсаяс шедісны Давидлӧн кипод улӧ. Господь быд тышын отсаліс Давидлы вермыны.

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Иов 31:4

Менсьым туйясӧс ӧмӧй Енмыс оз аддзы, менсьым воськовъясӧс ӧмӧй оз лыддьы?

Еклесиаст 12:14

Енмыс веськыда мыждас мортӧс быд уджысь, бурсьыс и лёксьыс, весиг сыысь, мый вӧлі гусьӧн вӧчӧма.

Исай 29:15

Курыд шог налы, кодъяс ассьыныс мӧвпъяссӧ кӧсйӧны пыдӧ дзебны Господьысь. Пемыдас найӧ вӧчӧны ассьыныс уджъяссӧ, шуалӧны: «Коді аддзас миянӧс? Коді тӧдмалас миянӧс?»

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Матвей 3:12

Сы киын тӧлӧдчан зырйыс. Сійӧ весалас гумласӧ: шобдісӧ йӧртӧдӧ чукӧртас, а кыдсӧ куслытӧм биын сотас».

Иоан 13:2

Рытнас найӧ чукӧртчисны сёйны. Омӧльыс вӧлі ышӧдӧма нин Иудаӧс, Симон-Искариотлысь писӧ, вузавны Исусӧс.

Иоан 13:21

Тайӧс висьталӧм бӧрын Исуслӧн нормис сьӧлӧмыс. Сійӧ шуис: «Веськыда, веськыда висьтала тіянлы: тіян пиысь ӧти вузалас Менӧ».