Псалтыр 126:5 - Коми Библия 2023

⁵ Шуда сійӧ мортыс, коді татшӧм ньӧвъяснас тыртӧ вӧралан нопсӧ. Сылы оз ло яндзим, кор мустӧмтысь кутас мыжавны сійӧс карса дзиръя дорын.

Псалтыр 126:5 Iomraidhean Croise

Псалтыр 137:1

Давидлӧн псалом. Господьӧй, ме ошка Тэнӧ став сьӧлӧмсянь, сьылӧмӧн ошка Тэнӧ енэжвывса олысьяс водзын. [Тэ кылін став менсьым кывйӧс.]

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Йоиль 2:17

Бӧрдӧй, попъяс, крам посводз да висьпуктанін костын. Господьлӧн кесъялысьяс, шуӧй: «Господьӧй, ло бур сьӧлӧма Аслад войтыр дінӧ. Эн сет янӧдны Ассьыд войтыртӧ, эн лэдз мукӧд войтырлы омӧльтны миянӧс. Мед найӧ оз шуны, кӧні Израильлӧн Енмыс».

Йоиль 2:23

Гажӧдчӧй, Сионын олысьяс, нимкодясьӧй Господь Енныд вӧсна! Сійӧ сетас тіянлы тырмымӧн зэр, воддза мозыс ыстас тіянлы арся да тувсовъя зэр.

Матвей 5:4

Шудаӧсь шогсьысьяс, ӧд найӧс шогсьыс пальӧдасны.

Галатӧ 6:9

Бурсӧ вӧчигӧн огӧ сетчӧй мудзӧмас, ӧд ас кадӧ вундам, огӧ кӧ лэдзӧй кинымӧс.