Псалтыр 112:5 - Коми Библия 2023

⁵ Кодӧс позяс ӧткодявны Господькӧд, миян Енкӧд? Сійӧ пукалӧ выліинын,

Псалтыр 112:5 Iomraidhean Croise

Неемий 4:13

Сэки ме сувтӧдалі войтырӧс кар горулас стен сайӧ, восьсаинъясӧ. Сувтӧдалі найӧс рӧдкотыръясӧн, быдӧн босьтіс киас шыпурт, шы либӧ ньӧввуж.

Псалтыр 37:21

Бурсьыс найӧ мынтысьӧны лёкӧн, ме бурсӧ кӧсъя, но найӧ мыжалӧны менӧ.

Шусьӧгъяс 12:2

Наян мортӧс Господь мыждас, шань мортлы Сысянь бурыс вуджас.

Шусьӧгъяс 17:18

Вежӧртӧм мортыд кыв сетӧ – мӧдлысь уджйӧзсӧ мынтыны кӧсйысьӧ.

Шусьӧгъяс 18:9

Суклясьысьлӧн кывъясыс чӧскыдӧсь, кынӧм пытшкӧдзыд пырӧны.

Шусьӧгъяс 2:20

Сідзкӧ, ветлы бур йӧзлӧн туйӧд, веськыда олысьяс моз ов.

Шусьӧгъяс 24:27

Медводз град йӧрад уджав, муястӧ вӧч, сэсся керкатӧ лэпты.

Лука 23:50

Сэні вӧлі Иудеяысь, Аримафея карысь, Ӧсип нима морт. Тайӧ бур да веськыда олысь мортыс виччысис Енлысь Юралӧмсӧ. Ӧсип вӧлі веськӧдлан котырысь, но паныд сулаліс Исусӧс виӧмлы.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

Иоан 6:12

Кор йӧзыс пӧтісны, Исус шуис велӧдчысьясыслы: «Чукӧртӧй коляссӧ, нинӧм энӧ воштӧй».

Ап. уджъяс 11:24

Варнава вӧлі бур морт, тырӧма Вежа Лолӧн. Сылӧн вӧлі зумыд эскӧм. Унаӧн сэки бергӧдчисны Господь дінӧ.

Римӧ 12:11

Тӧждысиганыд энӧ дышмӧй, ловнад ӧзъялӧй, Господьлы кесъялӧй.

Римӧ 5:7

Ӧдвакӧ кодкӧ сетас олӧмсӧ веськыда вӧчысь вӧсна. Гашкӧ, бурсӧ вӧчысь вӧсна и вермас на сетны олӧмсӧ.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

Филипӧ 1:9

Ме кевмыся, мед тіян муслунныд ёнджыка на содас да сетас тіянлы быдпӧлӧс тӧдӧмлунсӧ да мывкыдлунсӧ,

Колосӧ 4:5

Лоӧй мывкыдаӧсь эскытӧмъяскӧд, энӧ коллялӧй каднытӧ весьшӧрӧ.