Псалтыр 106:5 - Коми Библия 2023

⁵ Найӧ пыкисны тшыглун да горш косьмӧм, найӧ дзикӧдз нюкыртчисны.

Псалтыр 106:5 Iomraidhean Croise

Ӧксыяслӧн 2 небӧг 20:19

Ми лӧня олам асланым Израиль войтыр пӧвстын, ми эсканаӧсь. Тайӧ карыс – израильса [каръяслӧн] мам, а тэ кӧсъян бырӧдны сійӧс! Мыйла тэныд бырӧдны сійӧ, мый Господьлӧн?»

Псалтыр 1:3

Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

Псалтыр 105:43

Господь унаысь мездыліс найӧс, но найӧ кыпӧдчисны Сылы паныд, асныралӧмнас вӧйисны мыжас.

Псалтыр 105:6

Асланым батьяс моз ми мыж вӧчим, кежим веськыдлунсьыс да вӧчим лёксӧ.

Псалтыр 118:15

Ме тӧдмала-туяла Тэнсьыд тшӧктӧмъястӧ, тӧд вылам кута Тэнсьыд туйястӧ.

Псалтыр 48:11

Быдӧн тӧдӧ, мый мывкыдтӧмъяс да вежӧртӧмъяс моз весиг мывкыдаяс кулӧны, ассьыныс эмбурсӧ кольӧны мукӧдлы.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 45:25

А Израильсянь чужысьясӧс Господь вӧчас веськыдӧн, и найӧ кутасны ошйысьны Сыӧн.

Исай 66:10

Гажӧдчӧй Ерусалимкӧд, нимкодясьӧй сыӧн ставныд, кодъяс радейтанныд сійӧс. Нимкодясьӧй сыкӧд ставныд, кодъяс бӧрдінныд сы вӧсна.

Йоиль 2:23

Гажӧдчӧй, Сионын олысьяс, нимкодясьӧй Господь Енныд вӧсна! Сійӧ сетас тіянлы тырмымӧн зэр, воддза мозыс ыстас тіянлы арся да тувсовъя зэр.

Софоний 3:14

Нимкодясь, Сион нылӧй, гажӧдчы, Израиль! Гажӧдчы, Ерусалим нылӧй, став сьӧлӧмсяньыд нимкодясь!

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Иоан 16:22

Ӧні ті тшӧтш шогсянныд, но Ме бара аддзыся тіянкӧд. Сэки тіян сьӧлӧмныд тырас нимкодьлунӧн, и тіянлысь нимкодьлунтӧ некод оз мырддьы.

Ап. уджъяс 9:15

Господь шуис: «Мун. Ме бӧрйи сійӧс кесъявны Меным, юӧртны Менсьым нимӧс войтыръяслы да ӧксыяслы, тшӧтш Израиль войтырлы.

Ефесӧ 1:18

Сійӧ мед югдӧдас тіянлысь сьӧлӧмнытӧ, медым ті гӧгӧрвоинныд, кутшӧм лачаӧ Сійӧ корӧма тіянӧс, кутшӧм ыджыд озырлун вичмӧ вежа войтырлы,

Ефесӧ 1:4

Сійӧ бӧрйӧма миянӧс Кристос пытшкын му пуксьытӧдзыс на, медым вӧлім Сы водзын вежаӧсь да сӧстӧмӧсь. Ми ёна мусаӧсь Енмыслы,

Индӧд 32:9

Израиль войтыр – Господьлӧн юкӧныс, Яковсянь чужысьяс – Сылӧн пайыс.

Индӧд 7:6

Ӧд ті – Господь Енлӧн вежа войтырыс. Господь, тіян Енныд, бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

2 Фессалоникаӧ 2:13

Вокъяс, ті мусаӧсь Господьлы. Миянлы дугдывтӧг колӧ аттьӧавны Енсӧ тіянысь, ӧд Сійӧ водзысяньыс бӧрйис тіянӧс мездмӧм вылӧ. Тайӧ мездмӧмсӧ Сійӧ сетӧ тіянлы Ловлӧн вежӧдӧмыс пыр да збыльыслы эскӧм пыр.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».