Псалтыр 106:37 - Коми Библия 2023

³⁷ кӧдзӧны муяс, пуктӧны виноград пуяс, и пуясыс вайӧны уна вотӧс.

Псалтыр 106:37 Iomraidhean Croise

Ӧксыяслӧн 4 небӧг 16:3

Сійӧ ветліс израильса ӧксыяслӧн туйӧд, весиг сотіс биын ассьыс писӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 17:17

Ныв-пинысӧ найӧ сотісны вись пыдди, тунасисны да тшыкӧдчисны. Найӧ сетчисны лёкас, вӧчисны Господь водзын шогмытӧмсӧ, тадзи скӧрмӧдісны Господьӧс.

Ӧксыяслӧн 4 небӧг 21:6

Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

2 Каднебӧг 11:15

Еровам индіс аслыс попъясӧс, медым найӧ кесъялісны вись ваян мылькъяс вылын кӧза да ӧш сяма бӧлбанъяслы, кодъясӧс сійӧ вӧчӧдіс.

Исай 57:5

Тіян лёкколӧмныд ӧзъялӧ пашкыр пуяс пӧвстын, быд веж пу улын. Ассьыныд челядьнытӧ ті ваянныд вись пыдди шоръяс дорын да керӧс потасъясын.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Езекиль 20:31

Идолъяслы юрбитӧмнаныд ті ӧнӧдз асьнытӧ пежаланныд, кор ваянныд налы козинъяс да сотанныд вись пыдди ассьыныд пияннытӧ. И та бӧрын ті, израильсаяс, локтанныд юасьны Менсьым! Ме Ачым кыв сетӧмӧн шуа, – висьталӧ Господь Ыджыдыс, – мый ог вочавидз тіянлы.

Езекиль 23:37

Найӧ ӧд пежалісны йитӧдӧс, мый Ме кӧрталі накӧд. Найӧ сетчисны идолъясныслы, налы вись пыдди биын сотлісны пияннысӧ, кодъясӧс чужтісны Меным. Налӧн киныс вирӧсь.

Езекиль 23:47

Йӧзыс изъяласны найӧс да бытшкасны шыпуртӧн, налысь ныв-пинысӧ виаласны, керкаяснысӧ сотасны.

Левит 17:7

Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

Левит 18:21

Ныв-питӧ эн вай вись пыдди Молок идоллы, эн янӧд аслад Енлысь нимсӧ. Ме – Господь.

Римӧ 9:20

Мортӧй, коді тэ сэтшӧмыс, мый Енкӧд вензян? Вӧчӧмторйыс ӧмӧй вермас шуны вӧчысьыслы: «Мыйла тэ менӧ татшӧмнас вӧчин?»

1 Коринфӧ 10:20

Абу! Кор ентӧдтӧмъяс вайӧны вись, найӧ вайӧны пеж ловъяслы, а оз Енлы. Но ме ог кӧсйы, медым ті ӧтувтчинныд пеж ловъяскӧд.

Индӧд 18:10

Некод тіян пӧвстысь мед оз сот ассьыс писӧ либӧ нывсӧ вись пыдди. Тіян пӧвстын мед оз ло тунасьысь, кимӧститчысь, тшыкӧдчысь,

Индӧд 32:17

Найӧ вайисны висьяссӧ эз Енлы, а пеж ловъяслы, тӧдтӧм выль енъяслы, орччӧн олысь войтыръяслӧн енъяслы, кодъясӧс батъясныс эз тӧдлыны.