Петӧм 8:15 - Коми Библия 2023

¹⁵ Кор фараон аддзис, мый мынісны жабаясысь, сійӧ чорзьӧдіс сьӧлӧмсӧ, эз кут кывзыны Мӧисейӧс да Ааронӧс. Та йылысь водзвыв висьтавліс Господь.

Петӧм 8:15 Iomraidhean Croise

Петӧм 14:5

Египетса ӧксылы висьталісны, Израиль войтыр пӧ пышйис. Сэки фараон да сылӧн йӧзыс ыззисны вӧтӧдны израильсаясӧс. Найӧ шуисны: «Мый нӧ ми вӧчим? Мыйла нӧ лэдзим Израиль войтырӧс? Коді ӧні кутас уджавны миянлы?»

Петӧм 4:21

Господь шуис Мӧисейлы: «Кор тэ воан Египетӧ, вӧч сэні фараон водзын став шензьӧданаторсӧ, мый Ме тшӧкті тэныд вӧчны. Ме чорзьӧда фараонлысь сьӧлӧмсӧ, и сійӧ оз лэдз Израиль войтырӧс.

Петӧм 7:4

Фараон оз кывзы тіянӧс. Сэки Ме лэпта киӧс Египет му вылӧ да чорыда мыжда сійӧс, а Израиль войтырӧс, Ассьым тышкайӧзӧс, Ме петкӧда сэтысь.

Петӧм 8:14

Быдлаын йӧзыс чукӧртісны жаба шойяс. Му пасьтала сулаліс лёк дук.

Петӧм 8:16

Господь шуис Мӧисейлы: «Тшӧкты Ааронлы нюжӧдны бедьсӧ да вачкыны муас, сэки став Египет му пасьтала мувыв бусыс пӧрас гебйӧ. [Войтыр вылӧ, ыж-мӧс вылӧ да фараон вылӧ сатшкысясны гебъяс. Фараонлӧн да сылӧн йӧзыслӧн керканыс тырас гебйӧн.]»

Петӧм 8:28

Фараон шуис: «Ме лэдза тіянӧс овтӧминӧ вись вайны Господьлы, тіян Енлы, сӧмын ылӧ энӧ мунӧй. Кевмысьӧй ме вӧсна [Господьлы]».

Петӧм 8:29

Мӧисей шуис: «Тэ дінысь петӧм бӧрын ме кевмыся Господьлы [Енлы]. Аски тэ, фараон, тэныд кесъялысь йӧз да став войтырыд мынанныд лӧдз-гутысь. Но тэ, фараон, водзӧ эн ылӧдлы, а лэдз Израиль войтырӧс мунны, медым Господьлы вайны вись».

Петӧм 8:32

Но фараон бара чорзьӧдіс сьӧлӧмсӧ да эз лэдз Израиль войтырӧс.

Петӧм 8:8

Фараон корис Мӧисейӧс Ааронкӧд да шуис налы: «Кевмысьӧй Господьлы, мед Сійӧ вештас ме дінысь да менам войтыр дінысь жабаясӧс. Сэсся ме лэдза Израиль войтырӧс мунны, медым Господьлы вайны вись».

Шусьӧгъяс 26:11

Кыдзи понйыд аслас вос дорӧ бергӧдчӧ, тадзи вежӧртӧм морт ассьыс пыр нырӧ.

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Еклесиаст 8:11

Лёк вӧчысьӧс кӧ дзик пыр оз мыждыны, сэки сійӧ водзӧ кутас лёксӧ вӧчны.

Исай 26:10

Лёк вӧчысь дінӧ кӧ бурсьӧлӧмтчасны, сійӧ оз велӧдчы веськыда овны. Веськыда олысьяслӧн му вылын сійӧ водзӧ кутас лёксӧ вӧчны, оз аддзы, мый Господь ыджыдалӧ.

Осий 6:4

– Мый Меным вӧчны тэкӧд, Ефрем, мый Меным вӧчны тэкӧд, Иуда? Ме дінӧ тіян муслунныд асъя ру кодь, ӧдйӧ бырысь лысва кодь.

Еврейяслы 3:15

Та йылысь шуӧма: – Талун, Енлысь гӧлӧс шысӧ кылігӧн, энӧ чорзьӧдӧй сьӧлӧмнытӧ, кыдзи ті вӧчинныд Сылы паныд кыпӧдчигӧн.

Еврейяслы 3:8

энӧ чорзьӧдӧй сьӧлӧмнытӧ, кыдзи ті вӧчинныд овтӧминын, кор кыпӧдчинныд Меным паныд да дӧзмӧдінныд Менӧ.

Восьтӧм 16:9

Ёна пӧжӧмысла йӧзыс сотчисны да лёкӧдісны Енлысь нимсӧ, ӧд тайӧ бырӧданторъясыс вӧліны Енсянь. Но йӧзыс эз бергӧдчыны Енлань да эз ошкыны Сійӧс.

Ӧксыяслӧн 1 небӧг 6:12

Мӧсъяс веськыда мӧдӧдчисны Бет-Шемешлань. Найӧ пыр мунісны ӧти туйӧд. Муніганыс ӧтарӧ баксісны, но эз кежны веськыдвылӧ ни шуйгавылӧ. Филистимса юралысьяс вӧтчисны на бӧрся Бет-Шемеш дорӧдз.

Ӧксыяслӧн 1 небӧг 6:3

Найӧ вочавидзисны: «Ті кӧ бӧр кӧсъянныд мӧдӧдны [Господьлысь] Израиль Енлысь [Йитӧд] кудсӧ, козинтӧг сійӧс энӧ мӧдӧдӧй. Ыстӧй мыж вештан вись. Сэки ті бурданныд да тӧдмаланныд, мый вӧсна Израильлӧн Ен оз вешты Ассьыс мыждӧмсӧ тіян вылысь».

Ӧксыяслӧн 1 небӧг 6:6

Энӧ чорзьӧдӧй сьӧлӧмнытӧ, кыдзи коркӧ чорзьӧдчисны египетсаяс да фараон. Найӧ лэдзисны Израиль войтырӧс Египет муысь сӧмын сэки, кор Господь петкӧдліс Ассьыс вынсӧ.

Ӧксыяслӧн 1 небӧг 6:9

Но видзӧдӧй сы бӧрся. Мунас кӧ кудйыс аслас муӧ, Бет-Шемеш карлань, сідзкӧ, тайӧ ыджыд шогсӧ миянлы Господь ыстіс. Оз кӧ сэтчань мун, ми кутам тӧдны, мый эз Господь мыжды миянӧс, но тадзи ачыс лои».