Петӧм 40:38 - Коми Библия 2023

³⁸ Став Израиль войтыр аддзыліс, мый луннас Господьлӧн кымӧрыс сулаліс вежа чом весьтын, а войнас кымӧр пытшкас ӧзйис би. Тадзи пыр вӧлі налӧн ветлігчӧжныс.

Петӧм 40:38 Iomraidhean Croise

Ӧксыяслӧн 2 небӧг 7:6

Израиль войтырӧс Египетысь петкӧдӧмсянь да ӧнӧдз Ме эг овлы керкаын. Ӧтиласянь мӧдлаӧ ветлігӧн Ме олі вежа чомйын.

Псалтыр 105:39

Уджъяснас найӧ пежалісны асьнысӧ, кырсалысь ань моз сетчисны идолъяслы.

Петӧм 13:21

Луннас Господь муніс на водзвылын кымӧр сюръя пытшкын, медым индыны туйсӧ, а войнас – би сюръя пытшкын, медым югзьӧдны туйсӧ. Тадзи найӧ вермисны мунны луннас и войнас.

Петӧм 13:22

Луннас кымӧр сюръя да войнас би сюръя эз вешйывны на водзысь.

Лыд 10:34

Луннас сувтанінысь мӧдӧдчигӧн Господьлӧн кымӧрыс вӧлі на весьтын.

Лыд 9:12

Яйсӧ асылӧдзыс мед оз кольны, и лысӧ мед оз чегъявны. Ставсӧ мед вӧчӧны сідзи, кыдзи тшӧктӧма Ыджыд лун йылысь.

Лыд 9:15

Сійӧ лунӧ, кор вӧлі сувтӧдӧма вежа чомсӧ, сійӧс вевттис кымӧр. Рытсяньыс асылӧдзыс вежа чом весьтын ӧзъяліс мыйкӧ би сяма.

Лыд 9:16

Тадзи пыр вӧлі: [луннас] вежа чомсӧ вевттис кымӧр, а войнас ӧзъяліс мыйкӧ би сяма.