12 Мун, Ме лоа тэкӧд. Ме сета тэныд, мый шуны».
Сэки Господь лэптіс Ассьыс кисӧ, медым бырӧдны найӧс овтӧминын,
Тэ мездан ӧксыясӧс, Ассьыд Давид кесйӧгтӧ Тэ мездан лэчыд шыпуртысь.
Ӧд мый Сійӧ шуис, тайӧ лоис, мый Сійӧ тшӧктіс, тайӧ артмис.
Ен шуис: «Ме лоа тэкӧд. Со тэныд пас, мый Ме мӧдӧді тэнӧ. Кор тэ петкӧдан Менсьым войтырӧс Египетысь, ті юрбитанныд Енлы тайӧ керӧс вылас».
Мӧисей корис: «Господьӧй, ысты кодӧскӧ мӧдӧс».
Тэ висьтав сылы Менсьым кывъясӧс, пукті вомас, мый шуны. Ме лоа тіянкӧд, кор ті кутанныд сёрнитны, да велӧда, мый колӧ вӧчны.
Аарон кутас тэ пыдди сёрнитны йӧзыскӧд. Тадзи сійӧ лоӧ тэнад вомӧн, а тэ кутан висьтавны сылы Ен пыдди.
Сійӧ вӧчис менсьым кывйӧс ёсь шыпуртӧн, вевттис менӧ Аслас ки вуджӧрӧн, вӧчис менӧ ёсь ньӧвйӧн, Аслас ньӧвпуртӧсын видзис менӧ.
Господь Ыджыдыс сетіс меным мывкыд сёрни, медым аслам кывйӧн ме верми ёнмӧдны жебмӧмаясӧс. Быд асыв Сійӧ садьмӧдӧ, садьмӧдӧ менсьым пельӧс, медым бур велӧдчысь моз ме кывзі Сійӧс.
Господь нюжӧдіс кисӧ, инмӧдчыліс менам вомӧ да шуис меным: – Ассьым кывъясӧс Ме пукті тэнад вомӧ.
Мӧисей шуис войтырыслы: «Ӧні ті тӧдмаланныд, мый Господь мӧдӧдіс менӧ. Ставсӧ, мый ме вӧчи, эг аслам кӧсйӧм серти вӧч.
Кор тіянӧс нуӧдасны ёрдӧ, водзвыв энӧ майшасьӧй, мый шуны. Висьталӧй сійӧ, мый лоӧ сетӧма тіянлы сійӧ кадас. Сэки онӧ ті кутӧй сёрнитны, а Вежа Лов.
Ӧтчыд Исус кевмысис. Кевмысьӧм бӧрас велӧдчысьяс пиысь ӧти шуис Сылы: «Господьӧй, велӧд миянӧс кевмысьны, кыдзи Иоан велӧдіс ассьыс велӧдчысьяссӧ».
Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.
Кевмысьӧй тшӧтш ме вӧсна, медым сёрнитігам Енмыс сетіс меным колана кывъяс повтӧг висьтавны Бур Юӧрлысь гусяторсӧ.
Ме сувтӧда налӧн вокъяс пӧвстысь тэ кодь пророкӧс налы да пукта Ассьым кывъясӧс сылӧн вомӧ. Сійӧ висьталас налы ставсӧ, мый Ме тшӧкта сылы.
