Петӧм 38:24 - Коми Библия 2023

²⁴ Вежаин да сэтчӧ став коланаторсӧ вӧчӧм вылӧ зарниыс муніс кызь ӧкмыс талант да сизимсё комын сикель вежаинса сикель серти. Тайӧ зарнисӧ вӧлі вайӧма Господьлы козин пыдди.

Петӧм 38:24 Iomraidhean Croise

Петӧм 25:2

«Висьтав Израиль войтырлы, мед ваясны Меным козинъяс. Сибӧдӧй быдӧнлысь ас кӧсйӧм серти вайӧм козинъяссӧ:

Петӧм 29:24

Сет ставсӧ тайӧс Ааронлы да сылӧн пияныслы кианыс, вай ставсӧ Господь водзын пыркӧдан вись пыдди.

Петӧм 30:24

витсё сикель кассия, – ставсӧ вежаинса сикель серти – да гин мында олив вый.

Петӧм 35:22

Локтісны айулов и аньяс, найӧ сьӧлӧмсяньныс вайисны исергаяс, чунькытшъяс, сикӧтшъяс да мукӧд зарни мичмӧдчантор. Быдӧн, коді кӧсйис, вайис Господьлы зарни.

Левит 27:25

Став донсӧ колӧ артавны вежаинса сикель серти. Ӧти сикельын – кызь гера.

Левит 27:3

донсӧ инды тадзи: кызь арӧссянь квайтымын арӧсӧдз айловысь вештысян доныс мед лоӧ ветымын сикель эзысь вежаинса сикель серти,

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Аггей 2:8

Став эзысь-зарниыс – Менам, – висьталӧ Господь Саваоф. –

Лыд 18:16

Медводдза чужысь пи кагаӧс, кор сылы тырас тӧлысь, колӧ бӧр ньӧбны индӧм донысь. Босьт сыысь вит сикель эзысь вежаинса сикель серти. Ӧти сикельын – кызь гера.

Лыд 3:47

быдӧнысь – вит сикель эзысь вежаинса сикель серти. Ӧти сикельын – кызь гера.