Петӧм 37:17 - Коми Библия 2023

¹⁷ Весалӧм зарниысь Безалел серлӧдлӧмӧн дорис бикок. Сылӧн заыс, вожъясыс, чашаясыс, чаша подъясыс да дзоридзьясыс вӧліны ӧтторъяӧсь.

Петӧм 37:17 Iomraidhean Croise

1 Каднебӧг 28:15

бикокъяс да би дозъяс. Сійӧ индіс быд бикоклысь сьӧктасӧ сыӧн вӧдитчӧм серти.

2 Каднебӧг 13:11

Быд асыв да рыт найӧ вайӧны Господьлы сотан висьяс да тшынӧдӧны чӧскыд ӧвтанторъяс. Найӧ пуктӧны вежа нянь сӧстӧм пызан вылӧ да быд рыт ӧзтӧны зарни бикок вылын сулалысь би дозъяс. Ми ставсӧ вӧчам асланым Господь Енлӧн индӧд серти, а ті эновтінныд Сійӧс.

Петӧм 31:8

пызан да сылы став коланаторсӧ, весалӧм зарниысь бикок да сылы став коланаторсӧ, тшынӧдчан висьпуктанін,

Петӧм 37:16

Весалӧм зарниысь вӧчис тасьтіяс, дозмукъяс, кӧшъяс да кисьтан вись дозъяс. Ставсӧ тайӧс пуктывлісны пызан вылас.

Петӧм 37:18

Квайт вожсьыс куимыс кайис ӧтар боксяньыс, а мӧд куимыс – мӧдарсяньыс.

Левит 24:4

Би дозъяссӧ мед пукталӧны весалӧм зарниысь вӧчӧм бикок вылӧ, мый сулалӧ Господь водзын.

Закар 4:11

Ме юалі анделлысь: «А мый лоӧ тайӧ кык олив пуыс, кодъяс сулалӧны бикок веськыдладорын да шуйгаладорын?»

Закар 4:2

Сійӧ юаліс менсьым: «Мый тэ аддзан?» Ме вочавидзи: «Аддза зарни бикок. Бикок вылас вый доз. Доз дорыш гӧгӧрыс – сизим би петанін, быд би петанінын ӧзъялӧ сизим петель.

Лыд 8:4

Засяньыс дзоридзьясӧдзыс бикоксӧ вӧлі дорӧма зарниысь серлӧдлӧмӧн. Бикоксӧ вӧлі вӧчӧма сідзи, кыдзи Господь петкӧдліс Мӧисейлы.

Матвей 5:15

Ӧзтӧм битӧ оз пуктыны доз улӧ, сійӧс пуктӧны бикок вылӧ. Сэки керкаын югыдыс быдлаті югзьӧдӧ.

Филипӧ 2:15

медым ті вӧлінныд Енлӧн сӧстӧм, мыжтӧм да пежасьтӧм челядьӧн. Сэки тайӧ тшыксьӧм да пежасьӧм йӧз пӧвстас ті лоанныд дзирдалысь кодзувъяс кодьӧсь.

Еврейяслы 9:2

Вежа чомйын вӧлі кык вежӧс. Воддза вежӧсас сулалісны бикок да пызан, а пызан вылас вӧлі вежа нянь. Тайӧ вежӧсыс шусис Вежаин.

Восьтӧм 1:12

Ме бергӧдчи видзӧдлыны мекӧд сёрнитысь вылӧ да аддзи сизим зарни бикок.