Петӧм 34:29 - Коми Библия 2023

²⁹ Мӧисей лэччис Синай керӧс вылысь йитӧдлысь кык изпӧв киас кутӧмӧн. Сійӧ эз тӧд, мый Господькӧд сёрнитӧм бӧрын сылӧн чужӧмыс дзирдаліс.

Петӧм 34:29 Iomraidhean Croise

Петӧм 16:15

Израиль пиян кор аддзисны тайӧс, пондісны юасьны ӧта-мӧдныслысь: «Мый нӧ тайӧ?» Ӧд найӧ эз тӧдны, мый тайӧ. Мӧисей шуис налы: «Тайӧ нянь. Господь сетӧ сійӧс тіянлы сёйны.

Петӧм 31:18

Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.

Петӧм 32:15

Мӧисей бергӧдчис да лэччис керӧс вылысь. Сылӧн киас вӧлі йитӧдлӧн кык изпӧв, кытчӧ ӧтарсяньыс и мӧдарсяньыс вӧлі гижӧма кывъяс.

Петӧм 34:35

Израиль пиян аддзывлісны, кыдзи дзирдаліс Мӧисейлӧн чужӧмыс. Та вӧсна Мӧисей вевттьыліс ассьыс чужӧмсӧ сійӧ кадӧдзыс, кор бара мунліс сёрнитны Господькӧд.

Еклесиаст 8:1

Кодкӧд ӧткодялан мывкыдаӧс? Коді вермас ставсӧ вежӧртны? Мывкыдлуныд югзьӧдӧ чужӧмтӧ, вештӧ зумышлунтӧ чужӧм вывсьыд.

Матвей 17:2

Велӧдчысьяс син водзын Исуслӧн мыгӧрыс вежсис: чужӧмыс пондіс шонді моз югъявны, паськӧмыс лои дзирдалана еджыд.

Марк 14:40

Локтӧм бӧрас бара аддзис, мый велӧдчысьяссӧ унмыс топыда личкӧма. Найӧ эз тӧдны, мый вочавидзны Сылы.

Марк 9:6

Петыр ачыс эз гӧгӧрво, мый висьталіс, ӧд ставныс найӧ вӧлі ёна повзьӧмаӧсь.

Лука 2:49

Исус шуис налы: «Мыйла ті корсинныд Менӧ? Энӧ ӧмӧй тӧдӧй, мый Меным колӧ лоны Бать керкаын?»

Лука 9:29

Кевмысигас Исуслӧн чужӧмыс вежсис, паськӧмыс лои дзирдалана еджыд.

Иоан 5:13

Но бурдӧм мортыс эз тӧд, коді Сійӧ, ӧд Исус саяліс йӧз пӧвстас.

Ап. уджъяс 12:9

Петыр муніс андел бӧрся, но чайтіс, мый ставыс тайӧ абу збыль, а сӧмын Енсянь петкӧдчылӧм.

Ап. уджъяс 23:5

Павел воча шуис: «Ме эг тӧд, вокъяс, мый сійӧ аркирей. Дерт, гижӧма: ”Эн лёкӧд ас войтырыдлысь юралысьтӧ”».

Ап. уджъяс 6:15

Веськӧдлан котырын пукалысьяс синсӧ вештывтӧг видзӧдісны Степан вылӧ, сылӧн чужӧмыс вӧлі анделлӧн кодь.

2 Коринфӧ 3:13

Ми огӧ вӧчӧй Мӧисей моз, коді тупкыліс ассьыс чужӧмсӧ вевттьӧдӧн, медым Израиль войтыр эз аддзы дзирдлуныслысь бырӧмсӧ.

Индӧд 10:5

Ме бӧр лэччи керӧс вылысь да Господьлӧн тшӧктӧм серти пукті изпӧвъяссӧ кудйӧ, мый ме вӧчи.

Нав Исус 2:4

Но Раав дзебис сы ордӧ локтӧм кык мортӧс, а ӧксыӧн мӧдӧдӧм йӧзыслы шуис: «Збыльысь, ме ордӧ волісны кык морт, но кытысь найӧ, ме ог тӧд.

Нав Исус 8:14

Кор гайса ӧксы водз асывнас аддзис израильсаясӧс, сійӧ дзик пыр петіс став аслас тышкайӧзкӧд индӧм местаӧ Йӧрдан ковтыслань, медым уськӧдчыны израильсаяс вылӧ. Сійӧ эз тӧд, мый кар сайын эмӧсь кыйӧдчысьяс.

Восьтӧм 1:16

Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.

Восьтӧм 10:1

Ме аддзи нӧшта ӧти вына анделӧс, коді лэччис енэжсяньыс. Сійӧс кытшаліс кымӧр, юр весьтас вӧлі ӧшкамӧшка. Сылӧн чужӧмыс вӧлі шонді кодь, а кокыс вӧлі биа сюръяяс кодьӧсь.

Ёрдысьяс 16:20

Далида шуис: «Самсон, филистимсаяс локтӧны!» Самсон садьмис. Сійӧ мӧвпыштіс, мый воддза мозыс мынтӧдчас наысь. Но сійӧ эз тӧд, мый Господь эновтіс сійӧс.