Петӧм 34:21 - Коми Библия 2023

²¹ Квайт лун уджав, а сизимӧд луннас шойччы. Пасйы шойччан лун весиг гӧра-кӧдза кадӧ и вундан кадӧ.

Петӧм 34:21 Iomraidhean Croise

Олӧм 45:6

Му вылын мӧд во нин сулалӧ тшыг кад, но вит во чӧж на оз кутны кӧдзны-вундыны.

Неемий 13:15

Сійӧ кадас ме казялі, мый Иуда муын шойччан лунӧ талялӧны виноград, осёлъяс вылын вайӧны Ерусалимӧ нянь кольтаяс, вина, виноград, инжир да уна мукӧдтор. Ставсӧ тайӧс вӧчисны шойччан лунӧ. Ме чорыда ӧлӧді найӧс шойччан лунӧ вузасьӧмысь.

Петӧм 23:12

Квайт лун уджав, а сизимӧд луннас шойччы. Тэнад ӧшкыд да осёлыд мед шойччасны. Кесйӧг аньыдлӧн пиыс да йӧз муысь локтысь мед тшӧтш шойччасны.

Петӧм 31:15

Квайт лун уджалӧй, а сизимӧд луныс – шойччан лун, сиӧма Господьлы. Быдӧнӧс, коді кутас уджавны шойччан лунӧ, колӧ вины.

Петӧм 35:2

Квайт лун уджалӧй, а сизимӧд луныс мед лоӧ тіянлы вежа. Тайӧ луныс шойччан лун, сиӧма Господьлы. Тайӧ лунӧ коді кутас уджавны, сійӧс лоӧ виӧма.

Исай 30:24

Видз-му вылын уджалысь ӧшъяс да осёлъяс кутасны сёйны сола сёян – налы шыбитасны сёянсӧ зырйӧн да вилаӧн.

Левит 23:3

Квайт лун уджалӧй, а сизимӧд луныс мед лоӧ шойччан лун. Сэки тіян мед лоас вежа чукӧртчӧм, некутшӧм удж энӧ вӧчӧй. Тайӧ луныс мед лоӧ Господьлы сиӧм шойччан лун быдлаын, кӧні кутанныд овны».

Лука 13:14

Шойччан лунӧ висьысьӧс бурдӧдӧмыс скӧрмӧдіс синагогаса юралысьӧс. Сійӧ шуис йӧзыслы: «Вежонас квайт лун сетӧма уджавнысӧ, сэки локтӧй бурдӧдчынытӧ, а энӧ шойччан лунӧ».

Лука 23:56

Дзебанінысь воӧм бӧрын аньяс дасьтісны чӧскыд дука мавтасъяс, а шойччан лунӧ Индӧд серти найӧ шойччисны.

Индӧд 21:4

Юрнуӧдысьяс мед вайӧдасны мӧссӧ гӧрлытӧм-кӧдзлытӧм ковтысӧ, кӧні визувтӧ шор. Сэні мӧскыслысь сьылісӧ мед песовтасны.

Ӧксыяслӧн 1 небӧг 8:12

Ӧтиясӧс сійӧ сувтӧдас веськӧдлыны сюрс тышкамортӧн, мӧдъясӧс – ветымынӧн. Сійӧ тшӧктас пиянныдлы гӧрны ассьыс муяссӧ да вундыны няньсӧ, вӧчны шыпуртъяс, мукӧд тышкасянтор да тарантасъяслы коланаторъяс.