Петӧм 34:13 - Коми Библия 2023

¹³ Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

Петӧм 34:13 Iomraidhean Croise

Ӧксыяслӧн 3 небӧг 14:15

Господь ёна дойдас Израильӧс, сійӧ лоӧ ваын легзьысь эжӧр кодь. Господь нетшыштас Израиль войтырӧс тайӧ бур му вывсьыс, мый сетіс налӧн батьяслы. Юрбитан пуяс сувтӧдӧмысь да тайӧн Господьӧс скӧрмӧдӧмысь Сійӧ разӧдас Израиль войтырӧс Ефрат ю сайӧ.

Ӧксыяслӧн 4 небӧг 10:27

Вааллы сувтӧдӧм юрбитан изсӧ жугӧдісны, а юрбитан керкасӧ кисьтісны. Сы местаӧ вӧчисны асмогасянін. Тайӧ ӧнӧдз тадзи.

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ӧксыяслӧн 4 небӧг 23:14

Ӧксы жугліс юрбитан изъяс, пӧрӧдіс юрбитан пуяс да тыртіс сійӧ местасӧ морт лыясӧн.

2 Каднебӧг 14:3

Сійӧ бырӧдіс ылӧг енъяслы вӧчӧм висьпуктанінъяс да вись ваян мылькъяс, жугліс юрбитан изъяс да пӧрӧдіс юрбитан пуяс.

2 Каднебӧг 15:16

Аслас Маака пӧчыслы Аса ӧксы эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ торпыригӧдз да сотіс сійӧс Кедрон ковтысын.

2 Каднебӧг 17:6

Став сьӧлӧмсяньыс сійӧ кывзысис Господьлысь. Иуда муысь сійӧ бырӧдіс вись ваян мылькъяс да юрбитан пуяс.

2 Каднебӧг 24:18

Найӧ эновтісны Господьлысь крамсӧ, асланыс батьяслӧн Енлысь крамсӧ, да пондісны юрбитны пуяслы да идолъяслы. Тайӧ мыжсьыс Иудаын да Ерусалимын олысьяс вылӧ киссис Енлӧн скӧрлуныс.

2 Каднебӧг 31:1

Гажӧдчӧм бӧрын став Израиль войтырыс разӧдчис иудаса каръясӧ. Найӧ жуглісны юрбитан изъяс, пӧрӧдісны юрбитан пуяс, пазӧдісны вись ваян мылькъяс да висьпуктанінъяс став Иуда му пасьталаысь, тшӧтш Венямин, Ефрем да Манассей чужанкотыръяслӧн муысь. Та бӧрти Израиль войтырысь быдӧн бӧр муніс аслас муӧ да карӧ.

2 Каднебӧг 33:19

Хозайлӧн небӧгӧ гижӧма Манассейлысь кевмысьӧмсӧ да кыдзи Енмыс кыліс сійӧс, сылӧн мыжъяс йылысь да Енсӧ эновтӧм йылысь. Сэтчӧ гижӧма тшӧтш вись ваян мылькъяс йылысь, юрбитан пуяс да идолъяс йылысь, кодъясӧс сійӧ сувтӧдаліс Ен водзын раммӧдчытӧдз на.

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Исай 17:8

Сійӧ оз нин видзӧд аслас киӧн вӧчӧм висьпуктанінъяс вылӧ, оз нин кыпӧд синсӧ аслас киӧн вӧчӧм юрбитан пуяс да тшынӧдчан висьпуктанінъяс вылӧ.

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Еремей 17:2

Пияннысӧ моз найӧ казьтывлӧны висьпуктанінъяс да юрбитан пуяс йылысь, кодъяс сулалӧны пашкыр пуяс улын, джуджыд керӧсъяс вылын

Микей 5:14

Ме вужнас нетшышта юрбитан пуяснытӧ, бырӧда каръяснытӧ.

Лыд 33:52

вӧтлӧй сэтысь став олысьсӧ. Жуглӧй налысь серпасалӧм изъяссӧ, сывдӧмӧн вӧчӧм бӧлбанъяссӧ да вись ваян мылькъяссӧ.

Индӧд 16:21

«Господьлы, асланыд Енлы, кыпӧдӧм висьпуктанінкӧд орччӧн энӧ сувтӧдӧй юрбитан пуяс.

Индӧд 16:22

Энӧ сувтӧдӧй юрбитан изъяс, ӧд Господь, тіян Енныд, мустӧмтӧ тайӧс».

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.

Ёрдысьяс 2:2

Сӧмын энӧ ӧтувтчӧй сійӧ муас олысьяскӧд, [энӧ юрбитӧй налӧн енъяслы, налысь бӧлбанъяссӧ бырӧдӧй,] налысь висьпуктанінъяссӧ жуглӧй”. Но ті энӧ кывзысьӧй Менсьым. Мыйла ті тадзисӧ вӧчинныд?

Ёрдысьяс 6:25

Сійӧ войнас Господь шуис Гедеонлы: «Босьт батьыдлӧн пемӧс чукӧрысь сизим арӧса медбур ӧшкӧс. Жугӧд батьыд ордысь Вааллысь висьпуктанінсӧ да керав орччӧн сулалысь юрбитан пусӧ.

Ёрдысьяс 6:26

Вӧч тайӧ керӧс вылас висьпуктанін Господьлы, аслад Енлы [коді петкӧдчис тэныд]. Ставсӧ вӧч колана ногӧн. Кералӧм юрбитан пусӧ сот пес пыдди висьпуктанін вылас, а ӧшсӧ вай сотан вись пыдди».