Петӧм 33:9 - Коми Библия 2023

⁹ Чомйӧ пырӧм бӧрас лэччыліс кымӧр сюръя да сувтліс чом пыранін водзӧ. Чомйын Господь сёрнитіс Мӧисейкӧд.

Петӧм 33:9 Iomraidhean Croise

Олӧм 17:22

Ен дугдіс сёрнитны Ӧвраамкӧд да вешйис сы дорысь.

Олӧм 18:33

Тайӧс шуӧм бӧрын Господь муніс Ӧвраам дінысь. Ӧвраам бӧр бергӧдчис аслас оланінӧ.

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Петӧм 31:18

Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.

Петӧм 33:10

Став войтырыс аддзис паныдасян чом пыранін дорын сулалысь кымӧр сюръясӧ. Найӧ копыртчисны муӧдз асланыс чомъяс дорын.

Петӧм 33:11

Господь сёрнитіс Мӧисейкӧд воча чужӧмӧн, кыдзи морт сёрнитӧ аслас ёрткӧд. Сэсся Мӧисей бӧр локтіс йӧз дорӧ, а Навлӧн Исус пиыс, Мӧисейлы отсасьысь том морт, эз вешйыв паныдасян чом дорысь.

Петӧм 33:8

Кор Мӧисей восьлаліс паныдасян чомлань, израильсаяс асланыс чомъяс дорын сулалӧмӧн видзӧдісны Мӧисей бӧрся, кытчӧдз сійӧ эз пыр чомйӧ.

Петӧм 34:3

Тэкӧд мед некод оз лок. Некод мед оз кай керӧсӧ, весиг ыж-мӧс мед оз йирсьыны керӧс горулас».

Петӧм 34:5

Господь лэччис Мӧисей дінӧ кымӧр пытшкын да юӧртіс, мый Сылӧн нимыс – Господь.

Петӧм 34:9

Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».

Езекиль 3:22

Господьлӧн киыс вӧлі ме вылын. Господь шуис меным: «Чеччы да пет ковтысӧ, сэні Ме кута сёрнитны тэкӧд».

Лыд 11:17

Ме лэчча да кута сёрнитны сэні тэкӧд. Тэ вылысь Ловсӧ Ме юкла да пукта тшӧтш на вылӧ. Сэки найӧ тэкӧд ӧтвылысь пондасны нуны войтыр вӧсна сьӧкыдсӧ, а он нин тэ ӧтнад.

Лыд 7:89

Кор Мӧисей пыравліс вежа чомйӧ сёрнитны Господькӧд, сійӧ кывліс гӧлӧс шы Йитӧд куд вевт вывсянь кык херувим костысь. Тадзи Господь сёрнитіс Мӧисейкӧд.

Индӧд 31:14

Господь шуис Мӧисейлы: «Регыд тэ кулан. Чукӧст Исусӧс, сэсся сувтӧй сыкӧд вежа чом [пыранін] дорӧ. Сэні Ме сета сылы тшӧктӧмъяс». Мӧисей Исускӧд локтісны да сувтісны вежа чом [пыранін] дорӧ.

Индӧд 31:15

Господь локтіс вежа чом пыранін дорӧ кымӧр сюръя пытшкын.