Петӧм 33:6 - Коми Библия 2023

⁶ Израильсаяс пӧрччисны ас вывсьыныс мичмӧдчанторъяссӧ Хорив керӧс бокын.

Петӧм 33:6 Iomraidhean Croise

Петӧм 3:1

Мӧисей видзис тесьтыслысь, мадианса Иофор поплысь, ыжъяссӧ. Ӧтчыд овтӧминын Мӧисей нуӧдіс ыжъяссӧ зэв ылӧ да воис Енлӧн Хорив керӧс дорӧдз.

Петӧм 32:3

Став йӧзыс перъялісны пельсьыныс зарни исергаяснысӧ да вайисны Ааронлы.

Петӧм 33:4

Тайӧ чорыд кывъяссӧ кылӧм бӧрын войтырыс кутіс бӧрдны. Найӧ пӧрччисны ас вывсьыныс мичмӧдчанторъяссӧ.

Петӧм 33:5

Господь шуис Мӧисейлы: «Висьтав Израиль пиянлы: ті асныра войтыр. Ме кӧ муна тіянкӧд, ӧти здукӧн виа тіянӧс. Пӧрччӧй ас вывсьыныд мичмӧдчанторъястӧ. Ме видзӧдла, мый вӧчны тіянкӧд».

Петӧм 33:7

Израиль войтырлӧн сувтанін сайӧ, налӧн чомъясысь ылӧджык, Мӧисей сувтӧдіс чом да нимтіс сійӧс паныдасян чомйӧн. Чом дорас ветлывлісны Господьӧс корсьысьяс.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Иона 3:5

Ниневияын олысьяс та бӧрын кутісны эскыны Енлы. Найӧ шуисны видзавны, и ставныс ичӧтсянь ыджыдӧдз пасьталісны шогалан паськӧм.