Петӧм 33:19 - Коми Библия 2023

¹⁹ Господь вочавидзис Мӧисейлы: «Ме муна Аслам дзирдлунӧн тэ водзын да юӧрта тэныд, мый Менам нимӧй – Господь. Код дінӧ кӧсъя бурсьӧлӧмтчыны, бурсьӧлӧмтча. Код дінӧ кӧсъя буравны, бурала».

Петӧм 33:19 Iomraidhean Croise

Неемий 9:25

Найӧ босьтісны изкаръяс да бур муяс, овмӧдчисны эмбур тыра керкаясӧ, налы вичмисны изкыртаын кералӧм вайӧртӧдъяс, виноград йӧръяс, олив расъяс да уна мукӧд вотӧса пуяс. Найӧ пӧттӧдзныс сёйисны-тшӧгӧдчисны, нимкодясисны Тэнад бур козинъясысь.

Псалтыр 65:4

Му вылын став олысьыс мед копыртчас Тэ водзӧ, мед сьылас Тэныд, [Медвылыссаӧй,] мед сьылӧмӧн ошкас Тэнсьыд нимтӧ!»

Исай 12:4

Сійӧ лунӧ ті шуанныд: «Ошкӧй Господьӧс, шыасьӧй Сы дінӧ! Юӧртӧй войтыръяслы Сылӧн уджъясыс йылысь, висьтавлӧй, кутшӧм ыджыд Сылӧн нимыс.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Еремей 31:12

Найӧ локтасны, кутасны долыда сьывны Сион керӧс вылын, кутасны нимкодясьны, ӧд Господь сетіс налы бур козинъяс: шобді, вина да вый, ыжъясӧс да ӧшъясӧс. Налӧн олӧмыс лоас ваӧн киськалӧм сад кодь, найӧ оз нин вынтӧммыны.

Еремей 31:14

Попъясӧс Ме верда чӧскыд сёянӧн, Менам войтырӧй пӧтас Менам бур сетӧмторъясӧн, – висьталӧ Господь.

Закар 9:17

Кутшӧм бур да мича йӧзӧн найӧ лоӧны! Муыс сетас нянь да вина, и ныв-зон пондасны дзоридзавны.

Римӧ 2:4

Гашкӧ, тэ нинӧм туйӧ пуктан Енлысь ыджыд бурлунсӧ, мелілунсӧ да терпитӧмсӧ? Он ӧмӧй гӧгӧрво, мый Енлӧн бурлуныс вайӧдӧ тэнӧ мыжъяссьыд бергӧдчӧмӧ.

Римӧ 9:23

медым петкӧдлыны Ассьыс помасьлытӧм дзирдлунсӧ ”буралӧмыслӧн дозъяс” вылын, кодъясӧс дасьтӧма дзирдавны.

Индӧд 32:3

Ошка Господьлысь нимсӧ. Ошкӧй-нимӧдӧй миянлысь Енмӧс!