Петӧм 32:27 - Коми Библия 2023

²⁷ Мӧисей шуис налы: «Господь, Израильлӧн Ен, тадзи висьталӧ: ”Вӧнялӧй косканыд ассьыныд шыпуртнытӧ, мунӧй чомъяс сулаланінӧд помсянь помӧдзыс да виӧй быдӧнӧс, кодкӧд паныдасянныд, весиг вокнытӧ, ёртнытӧ да матыссанытӧ”».

Петӧм 32:27 Iomraidhean Croise

Ӧксыяслӧн 4 небӧг 10:25

Кор сотан вись вайӧмыс помасис, Еху горӧдіс аслас видзысьяслы да тышкайӧзӧн веськӧдлысьяслы: «Пырӧй да ставнысӧ виӧй! Некодӧс энӧ лэдзӧй петнысӧ!» Найӧ виисны шыпуртӧн ставнысӧ да шыбитісны шойяссӧ ортсӧ. Сэсся пырисны Вааллы юрбитанінлӧн пыді вежӧсӧ.

Петӧм 32:26

Чомъяс сулаланінӧ пыранін дорын Мӧисей горӧдіс: «Коді Господьлӧн, мед локтас ме дінӧ!» Сы дінӧ локтісны Левий чужанкотырысь пиян.

Петӧм 32:28

Левий пиян вӧчисны Мӧисейлӧн тшӧктӧм серти. Куим сюрс гӧгӧр мортӧс вӧлі виӧма сійӧ лунӧ.

Петӧм 32:29

Мӧисей шуис Левий пиянлы: «Талун сетӧй асьнытӧ кесъявны Господьлы, медым Сійӧ бурсиас тіянӧс. Ӧд ті вештінныд дон – быдӧн тіян пиысь виис писӧ да воксӧ».

Езекиль 9:5

Ме кылі, кыдзи Господь мукӧдыслы шуис: «Мунӧй сы бӧрся карӧд да жалиттӧг виалӧй йӧзсӧ, энӧ нормӧй сьӧлӧмнаныд.

Лыд 25:5

Мӧисей висьталіс израильса ёрдысьяслы: «Виӧй быдӧнӧс, коді сьӧлӧмнас сирасис Ваал-Пеор идол дінӧ».

Лука 14:26

«Ме дінӧ локтысьлы кӧ бать-мамыс, гӧтырыс, ныв-пиыс, чой-вокыс да аслас олӧмыс Ме дорысь мусаджык, сійӧ оз вермы лоны Менам велӧдчысьӧн.

2 Коринфӧ 5:16

Ӧнісянь ми некодӧс огӧ донъялӧй морт видзӧдлас серти. Водзын кӧ Кристосӧс донъялім морт видзӧдлас серти, ӧні огӧ.

Индӧд 13:10

Сійӧ кежӧдӧ тіянӧс Господьысь, тіян Енмысь, коді петкӧдіс тіянӧс Египетысь нартитӧм улысь. Таысь сійӧс колӧ изъявны кувтӧдзыс.

Индӧд 13:6

Тэнӧ кӧ вокыд, [батьыдлӧн пиыс либӧ] мамыдлӧн пиыс, аслад пиыд либӧ нылыд, радейтана гӧтырыд либӧ меддона ёртыд гусьӧн корас мунны сыкӧд да кесъявны мукӧд енъяслы, кодъясӧс ті да тіян батьясныд онӧ тӧдӧй,