Петӧм 32:22 - Коми Библия 2023

²² Аарон вочавидзис: «Эн дӧзмы, ыджыдӧй! Тэ ӧд тӧдан, мый тайӧ войтырыс ӧдйӧ сетчӧ лёкас.

Петӧм 32:22 Iomraidhean Croise

Олӧм 44:18

Иуда матыстчис Ӧсип дінӧ да шуис: «Ыджыдӧй, лэдз меным висьтавны тэныд. Эн дӧзмы ме вылӧ, тэ ӧд фараон кодь.

Псалтыр 36:4

Бурмӧд сьӧлӧмтӧ Господьӧн, и Сійӧ збыльмӧдас тэнсьыд сьӧлӧм кӧсйӧмтӧ.

Петӧм 14:11

Мӧисейлы найӧ шуисны: «Египетын ӧмӧй некытчӧ вӧлі гуавны миянӧс? Та вӧсна овтӧминӧдз вайӧдін миянӧс кувнысӧ? Мый тэ вӧчин миянкӧд? Мыйла тэ петкӧдін миянӧс Египетысь?

Петӧм 15:24

Войтырыс кутіс шуасьны Мӧисей вылӧ: «Кытысь миянлы юнысӧ?»

Петӧм 16:20

Но ӧткымынӧн эз кывзысьны Мӧисейлысь, а чукӧртӧмсьыныс мыйтакӧ колисны асылӧдзыс. Но сэні чужисны номыръяс, и ставыс дуксис. Сэки Мӧисей скӧрмис войтырыс вылӧ.

Петӧм 16:28

Сэки Господь шуис Мӧисейлы: «Дыр-ӧ на ті кутанныд торкны Менсьым индӧд-тшӧктӧмъясӧс?

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Петӧм 32:21

Мӧисей юаліс Ааронлысь: «Тайӧ войтырыс кутшӧм лёк вӧчис тэныд, мый татшӧм ыджыд мыжӧ тэ уськӧдін найӧс?»

Шусьӧгъяс 4:16

Найӧ оз вермыны унмовсьны, оз кӧ вӧчны лёксӧ, налӧн унмыс вошӧ, оз кӧ дойдны кодӧскӧ.

Индӧд 31:27

Ме тӧда тіянлысь асныралӧмнытӧ да паныд кыпӧдчӧмнытӧ. Весиг ӧні, кор ме ловъя на, ті онӧ кывзысьӧй Господьлысь. А мый лоӧ менам кулӧм бӧрын?

Индӧд 9:24

Мыйта тӧда тіянӧс, ті пыр кыпӧдчинныд Господьлы паныд.

Индӧд 9:7

«Энӧ вунӧдӧй, кыдзи овтӧминын ті скӧрмӧдлінныд Господьӧс, ассьыныд Ентӧ. Египет муысь петан лунсянь да татчӧ вотӧдз ті пыр пыксинныд Господьлы.

Ӧксыяслӧн 1 небӧг 15:15

Саул вочавидзис: «Менам йӧзӧй босьтісны амаликъяслысь медбур ыжъяссӧ да ӧшъяссӧ, медым вись вайны Господьлы, тэнад Енлы. Мукӧдсӧ ми бырӧдім».

Ӧксыяслӧн 1 небӧг 15:21

Но йӧзыс босьтісны Господьлы сиӧмторйысь медбур ыжъяссӧ да ӧшъяссӧ, мед Галгалын вись вайны Господьлы, тэнад Енлы».

Ӧксыяслӧн 1 небӧг 15:24

Саул вочавидзис Самуиллы: «Ме мыж вӧчи – торки Господьлысь тшӧктӧмсӧ да эг вӧч тэнад шуӧм серти. Ме йӧзсьыс полі, та вӧсна кывзі найӧс.