Петӧм 32:20 - Коми Библия 2023

²⁰ Сійӧ босьтіс киӧн вӧчӧм ӧшнысӧ да сотіс биын. Ниртіс сійӧс пызьӧдз да койыштіс ваӧ, а васӧ тшӧктіс юны Израиль пиянлы.

Петӧм 32:20 Iomraidhean Croise

Ӧксыяслӧн 3 небӧг 15:13

Аслас Маака пӧчыслы Аса эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ да сотіс сійӧс Кедрон ковтысын.

Ӧксыяслӧн 4 небӧг 23:15

Иосей ӧксы жугӧдіс Вефильысь висьпуктанін да вись ваян мыльк, мый коркӧ вӧчліс Неватлӧн Еровам пиыс, коді кежӧдіс Израиль войтырӧс мыжас. Иосей сотіс юрбитан пу да вись ваян мыльк, сэтысь изъяссӧ нырис пызьӧдз.

Ӧксыяслӧн 4 небӧг 23:6

Сійӧ петкӧдіс Астарта бӧлбанӧс Господьлӧн крамысь Ерусалим кар сайӧ Кедрон ковтысӧ да сотіс сэні. Сэсся пызьӧдз нырис, а пызьсӧ койыштіс шойна вылӧ.

2 Каднебӧг 34:4

Иосейлӧн тшӧктӧм серти жуглісны Вааллысь висьпуктанінъяс да на весьтын сулалысь тшынӧдчан висьпуктанінъяс. Юрбитан пуяс пӧрӧдісны, идолъясӧс да бӧлбанъясӧс жуглісны торпыригӧдз, а торпыригъяссӧ шыблалісны сійӧ йӧзыслӧн дзебанінъяс вылӧ, кодъяс вайлісны идолъяслы вись.

Петӧм 32:21

Мӧисей юаліс Ааронлысь: «Тайӧ войтырыс кутшӧм лёк вӧчис тэныд, мый татшӧм ыджыд мыжӧ тэ уськӧдін найӧс?»

Шусьӧгъяс 1:31

Та вӧсна понданныд сёйны, мый быдтінныд, кутанныд пӧткӧдчыны асланыд лёк мӧвпъясӧн.

Шусьӧгъяс 14:14

Бур морт аслас олӧмысь пӧтас, веськыдлунсӧ ӧтдортысь – асласысь.

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.

Индӧд 9:21

Ті мыжминныд, мый вӧчинныд ӧшкӧс. Ме босьті тайӧ ӧшсӧ да соті биын, сэсся пызьӧдз ныри да койышті керӧс вывсянь визувтысь шорӧ.