Петӧм 31:18 - Коми Библия 2023

¹⁸ Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.

Петӧм 31:18 Iomraidhean Croise

Ӧксыяслӧн 4 небӧг 11:12

Иодай поп петкӧдіс ӧксылысь Йоас писӧ крамысь, пуктіс сылы юр вылас юркытш да сетіс сылы Индӧд небӧг. Сэсся пуктісны сійӧс ӧксыӧ да мавтыштісны. Войтырыс кинаныс клопайтӧмӧн горзіс: «Мед олас ӧксы!»

Петӧм 24:12

Господь шуис Мӧисейлы: «Кай Ме дінӧ керӧс вылӧ да виччысь тані. Ме сета тэныд изпӧвъяс, кытчӧ Ме гижи Индӧд да тшӧктӧмъяс, медым велӧдны войтырӧс».

Петӧм 24:18

Мӧисей воськовтіс кымӧр пытшкас и кайис керӧс йылӧ. Сэні сійӧ вӧлі нелямын лун да нелямын вой.

Петӧм 8:19

тунъяс шуисны фараонлы: «Тайӧс вӧчис Ен». Но фараонлӧн сьӧлӧмыс чорзис, сійӧ эз кут кывзыны найӧс. Та йылысь водзвыв висьтавліс Господь.

Еремей 31:33

Сійӧ лунъяс бӧрас Ме кӧртала Израиль войтыркӧд татшӧм йитӧд, – висьталӧ Господь. – Ассьым Индӧдӧс Ме пукта налӧн вежӧрӧ, гижа налӧн сьӧлӧмӧ. Ме лоа налӧн Енмӧн, а найӧ – Менам войтырӧн.

Матвей 12:28

Ме кӧ Ен Лолӧн вӧтлала пеж ловъясӧс, сідзкӧ, Енлӧн Юралӧмыс воис тіянӧдз.

Лука 11:20

Ме кӧ Ен вынӧн вӧтлала пеж ловъясӧс, сідзкӧ, Енлӧн Юралӧмыс воис тіянӧдз.

2 Коринфӧ 3:3

Быдӧнлы тыдалана, мый ті – Кристослӧн гижӧдыс. Сійӧс гижӧма Ен Лолӧн, абу чернилаӧн, гижӧма морт сьӧлӧмӧ, абу шыльӧдӧм из вылӧ. Татшӧм гижӧднас ті лоинныд миян кесъялӧм пыр.

Индӧд 10:4

Изпӧвъяс вылас Господь гижис дас тшӧктӧм, мый вӧлі гижӧма воддзаясас. Тайӧ тшӧктӧмъяссӧ Господь висьталіс тіянлы керӧсвывса би пытшсянь тіян ӧтлаын чукӧртчигӧн. Изпӧвъяссӧ Господь сетіс меным.

Индӧд 4:13

Господь юӧртіс тіянлы Ассьыс йитӧдсӧ. Сійӧ гижис кык изпӧв вылӧ дас тшӧктӧм, мый серти тіянлы колӧ овны.

Индӧд 5:22

Тайӧ кывъяссӧ Господь гораа висьталіс тіянлы ставныдлы керӧс вывсянь, би да сьӧд кымӧр [да бушков] пытшсянь. Сэсся та дінӧ нинӧм эз содты. Тайӧ кывъяссӧ Сійӧ гижис кык изпӧв вылӧ да сетіс меным.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.