Петӧм 31:15 - Коми Библия 2023

¹⁵ Квайт лун уджалӧй, а сизимӧд луныс – шойччан лун, сиӧма Господьлы. Быдӧнӧс, коді кутас уджавны шойччан лунӧ, колӧ вины.

Петӧм 31:15 Iomraidhean Croise

Олӧм 2:2

Став Ассьыс уджсӧ помалӧм бӧрын Ен шойччис сизимӧд луннас.

Петӧм 16:23

Сійӧ вочавидзис: «Господь висьталіс, мый аски шойччан лун – Господьлӧн вежа шойччан лун. Талун пӧжалӧй, мый кӧсъянныд пӧжавны, да пуӧй, мый кӧсъянныд пуны, а мый онӧ сёйӧй, кольӧй аски кежлӧ».

Петӧм 16:26

Квайт лун чукӧртӧй, а сизимӧд луныс – шойччан лун, сэки няньыс оз ло».

Петӧм 23:12

Квайт лун уджав, а сизимӧд луннас шойччы. Тэнад ӧшкыд да осёлыд мед шойччасны. Кесйӧг аньыдлӧн пиыс да йӧз муысь локтысь мед тшӧтш шойччасны.

Петӧм 31:14

Энӧ торкӧй шойччан лунсӧ, ӧд тайӧ луныс тіянлы вежа. Коді пежалас шойччан лун, сійӧс колӧ вины. Коді тайӧ лунӧ кутас уджавны, сійӧс лоӧ бырӧдӧма аслас войтыр пӧвстысь.

Петӧм 31:16

Израиль пиян мед видзасны шойччан лунсӧ чужысьяссянь чужысьясӧдз. Тайӧ нэмъяс кежлӧ кӧрталӧм йитӧд.

Петӧм 31:17

Шойччан лун лоӧ пасӧн Ме да Израиль костын нэмъяс кежлӧ. Ӧд квайт лун чӧж Господь вӧчис енэжсӧ да мусӧ, а сизимӧд луннас шойччис».

Петӧм 34:21

Квайт лун уджав, а сизимӧд луннас шойччы. Пасйы шойччан лун весиг гӧра-кӧдза кадӧ и вундан кадӧ.

Петӧм 35:2

Квайт лун уджалӧй, а сизимӧд луныс мед лоӧ тіянлы вежа. Тайӧ луныс шойччан лун, сиӧма Господьлы. Тайӧ лунӧ коді кутас уджавны, сійӧс лоӧ виӧма.

Петӧм 35:3

Шойччан лунӧ оланінаныд энӧ пестӧй би. [Ме – Господь.]»

Езекиль 46:1

«Господь Ыджыдыс тадзи висьталӧ: квайт уджалан лун чӧж пытшкӧс йӧрӧ нуӧдысь асыввыв пыранін мед лоӧ пӧдса, а шойччан лунӧ да выль тӧлысь пасъян лунӧ мед лоӧ восьса.

Левит 16:29

Сизимӧд тӧлысьлӧн дасӧд лунӧ раммӧдчӧй-видзалӧй, некутшӧм удж энӧ вӧчӧй, ни вужвойтыр, ни йӧз муысь локтысьяс. Олӧй тайӧ тшӧктӧмыс серти нэмъяс чӧж.

Левит 23:3

Квайт лун уджалӧй, а сизимӧд луныс мед лоӧ шойччан лун. Сэки тіян мед лоас вежа чукӧртчӧм, некутшӧм удж энӧ вӧчӧй. Тайӧ луныс мед лоӧ Господьлы сиӧм шойччан лун быдлаын, кӧні кутанныд овны».

Левит 23:32

Тайӧ мед лоӧ тіянлы шойччан лун. Тайӧ лунӧ тіянлы колӧ раммӧдчыны-видзавны. Тӧлысьлӧн ӧкмысӧд лун рытсяньыс дасӧд лун рытӧдзыс тіян мед лоӧ шойччӧг».

Лука 13:14

Шойччан лунӧ висьысьӧс бурдӧдӧмыс скӧрмӧдіс синагогаса юралысьӧс. Сійӧ шуис йӧзыслы: «Вежонас квайт лун сетӧма уджавнысӧ, сэки локтӧй бурдӧдчынытӧ, а энӧ шойччан лунӧ».

Лука 23:56

Дзебанінысь воӧм бӧрын аньяс дасьтісны чӧскыд дука мавтасъяс, а шойччан лунӧ Индӧд серти найӧ шойччисны.

Индӧд 5:12

Видз шойччан лунтӧ. Сійӧ мед лоас тэныд вежа, кыдзи Господь, тэнад Енмыд, тшӧктіс тэныд.

Еврейяслы 4:9

Сідзкӧ, Ен войтырлӧн шойччӧгыс водзын на.