Петӧм 31:13 - Коми Библия 2023

¹³ «Висьтав Израиль пиянлы, мед видзасны Менсьым шойччан лунӧс. Шойччан лун лоӧ пасӧн Ме да тіян костын чужысьяссянь чужысьясӧдз. Та серти ті тӧдмаланныд, мый Ме – Господь, тіянӧс Вежӧдысь.

Петӧм 31:13 Iomraidhean Croise

Неемий 9:14

Тэ сетін налы тшӧктӧм Аслад вежа шойччан лун йылысь, юӧртін Аслад Мӧисей кесйӧг пыр индӧд-тшӧктӧмъястӧ.

Петӧм 31:12

Господь тшӧктіс Мӧисейлы:

Петӧм 31:17

Шойччан лун лоӧ пасӧн Ме да Израиль костын нэмъяс кежлӧ. Ӧд квайт лун чӧж Господь вӧчис енэжсӧ да мусӧ, а сизимӧд луннас шойччис».

Исай 56:2

Шуда сійӧ мортыс, коді олӧ веськыда, коді кутчысьӧ веськыдлунас, коді пыдди пуктӧ шойччан лун, оз пежав сійӧс, коді видзӧ ассьыс кисӧ лёк вӧчӧмысь.

Еремей 17:22

Шойччан лунӧ энӧ петӧй гортсьыныд нопйӧн, энӧ вӧчӧй некутшӧм удж. Шойччан луныс мед лоӧ тіянлы вежа, кыдзи Ме тшӧкті тіян батьяслы.

Езекиль 20:12

Ме инді налы шойччан лун. Тайӧ луныс лоӧ Ме да на костын пасӧн, медым найӧ тӧдісны, мый Ме – Господь, найӧс Вежӧдысь.

Езекиль 20:20

Видзӧй Менсьым вежа шойччан лунӧс. Тайӧ луныс лоӧ Ме да тіян костын пасӧн, медым ті тӧдінныд, мый Ме – Господь, тіян Енныд.

Езекиль 37:28

Менам вежаинӧй нэмъяс чӧж лоӧ на шӧрын. Та серти мукӧд войтыръяс тӧдмаласны, мый Ме, Господь, Израильӧс Вежӧдысь».

Езекиль 44:24

Попъяслы колӧ ёрдын видлавны вензьӧмъяс да веськыда мыждыны Менам тшӧктӧмъяс серти. Налы колӧ вежӧдны Менсьым шойччан лунӧс да тӧждысьны, медым Менсьым вежа гажӧдчан лунъяс пасйисны Менам индӧд-тшӧктӧмъяс серти.

Левит 19:3

Пыдди пуктӧй бать-мамнытӧ. Видзӧй Менсьым шойччан лунӧс. Ме – Господь, тіян Енныд.

Левит 19:30

Видзӧй Менсьым шойччан лунӧс, пыдди пуктӧй Менсьым вежаинӧс. Ме – Господь.

Левит 20:8

Олӧй Менам тшӧктӧмъяс серти, ӧд Ме – Господь, тіянӧс Вежӧдысь.

Левит 21:8

Вежавидзӧмӧн пыдди пуктӧй попӧс, ӧд сійӧ вись вайӧ [Господьлы] тіян Енлы. Поп мед лоас тіянлы вежа, ӧд Ме вежа. Ме – Господь, тіянӧс Вежӧдысь.

Левит 23:3

Квайт лун уджалӧй, а сизимӧд луныс мед лоӧ шойччан лун. Сэки тіян мед лоас вежа чукӧртчӧм, некутшӧм удж энӧ вӧчӧй. Тайӧ луныс мед лоӧ Господьлы сиӧм шойччан лун быдлаын, кӧні кутанныд овны».

Левит 25:2

висьтавны Израиль пиянлы: «Кор ті овмӧдчанныд сійӧ муас, мый Ме сета тіянлы, быд сизимӧд воӧ шойччӧдӧй мусӧ, Господьсянь сетӧй муыслы шойччӧг.

Левит 26:2

Видзӧй Менсьым шойччан лунӧс, пыдди пуктӧй Менсьым вежаинӧс. Ме – Господь.

Амос 8:5

Ті шуанныд: «Кор нин помасяс выль тӧлысь пасйӧмыс, медым вермим бара вузавны нянь? Кор нин помасяс шойччан луныс, медым вермим восьтны нянь видзанінъяс? Сэки ичӧтджык мурталан доз босьтам, а донсӧ содтам, вескиӧн пӧръялам.

Матвей 23:17

Синтӧмъяс да мывкыдтӧмъяс! Мый ыджыдджык: зарниыс али зарнисӧ вежӧдысь крамыс?

Иоан 17:17

Вежӧд найӧс збыльыд пыр. Збыльыс – тайӧ Тэнад кывйыд.

Иоан 17:19

Ачымӧс Ме сета Тэныд на вӧсна, медым збыльыс вежӧдас найӧс.

Индӧд 5:12

Видз шойччан лунтӧ. Сійӧ мед лоас тэныд вежа, кыдзи Господь, тэнад Енмыд, тшӧктіс тэныд.

1 Фессалоникаӧ 5:23

Лӧньлуныслӧн Ен мед Ачыс тырвыйӧ вежӧдас тіянӧс да видзас тіянлысь ловнытӧ, олӧмнытӧ да вир-яйнытӧ сӧстӧмӧн миян Господь Исус Кристос локтігкежлӧ.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.