Петӧм 30:6 - Коми Библия 2023

⁶ Висьпуктанінсӧ сувтӧд Вежаинӧ ӧшӧдан дӧра водзӧ, а дӧра саяс лоӧ Йитӧд куд. Йитӧд кудлӧн вевт вывсянь Ме кута шыасьны тэ дінӧ.

Петӧм 30:6 Iomraidhean Croise

1 Каднебӧг 23:13

Амрамлӧн вӧліны Аарон да Мӧисей пиян. Ааронӧс да сылысь пиянсӧ вӧлі вежӧдӧма, медым найӧ вӧліны вежасьыс-вежаӧсь, да пыр кежлӧ торйӧдӧма, медым найӧ сотісны висьяс Господь водзын, кесъялісны Сылы да бурсиисны Сылӧн нимӧн.

1 Каднебӧг 28:11

Давид сетіс аслас Соломон пиыслы серпасъяс, мый серти колӧ вӧлі вӧчны крам посводз да дзоньнас крамсӧ, озырлун видзанінъяс, вылысса жыръяс, вежӧсъяс да Ен куд видзан вежаин.

Петӧм 30:36

Торйӧд сэтысь мыйтакӧ, нирт сійӧс да пукты вежа чомйӧ Йитӧд куд водзӧ. Вежа чомсянь Ме кута шыасьны тэ дінӧ. Тайӧ тшынӧдчанторйыс лоӧ тіянлы вежасьыс-вежа.

Петӧм 30:5

Потшъяссӧ вӧч акация пуысь да эж зарниӧн.

Петӧм 30:7

Висьпуктанін вылас Аарон мед тшынӧдас чӧскыд ӧвтанторъяс. Сійӧ мед тшынӧдчас сэні быд асыв, кор кутас локны видзӧдны би дозъяс бӧрся.

Петӧм 40:26

Вежа чомйӧ ӧшӧдӧм дӧра водзӧ Мӧисей сувтӧдіс зарни висьпуктанін,

Петӧм 40:3

Пырт Йитӧд кудсӧ вежа чомйӧ да ӧшӧд куд водзӧ дӧра.

Петӧм 40:5

Йитӧд куд водзӧ пукты зарниысь вӧчӧм тшынӧдчан висьпуктанін. Вежа чом пыранінӧ ӧшӧд дӧра.

Левит 16:13

Тшынӧдчанторсӧ Аарон мед пуктас Господь водзӧ би вылӧ. Сэки тшыныс вевттяс Йитӧд кудлысь вевтсӧ, и Аарон оз кув.

Лыд 17:4

Бедьяссӧ пукты вежа чомйӧ Йитӧд куд водзӧ. Сэтысянь Ме кута шыасьны тіян дінӧ.

Матвей 27:51

Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны.

Еврейяслы 4:16

Та вӧсна ми повтӧг матыстчам бур сьӧлӧма Енлӧн юралан пуклӧс дінӧ, медым колана кадӧ босьтны Енсянь буралӧмсӧ да бурсетӧмсӧ отсӧгным вылӧ.