Петӧм 30:34 - Коми Библия 2023

³⁴ Господь тшӧктіс Мӧисейлы: «Босьт ӧтмындаӧн чӧскыд ӧвтанторъяс – стакти, оних да халван, тшӧтш ладан сир.

Петӧм 30:34 Iomraidhean Croise

Неемий 13:5

Эльяшив торйӧдіс Товилы ыджыд жыр, кӧні водзынсӧ видзлӧмаӧсь нянь вись, ладан, дозмук-кӧлуй, попъяслы вайӧмторъяс, тшӧтш няньлысь, виналысь да выйлысь дасӧд юкӧнсӧ, мый Индӧд серти вӧлі сетӧны левитъяслы, сьылысьяслы да дзиръя видзысьяслы.

Петӧм 25:6

би дозйӧ кисьтан олив вый, ӧвтанторъяс, мыйысь вӧчӧны мавтыштан вый да тшынӧдчанторъяс,

Петӧм 30:23

«Босьт медчӧскыд ӧвтанторъяс: витсё сикель кизьӧр смирна, сыысь кык пӧв этшаджык чӧскыда ӧвтысь корица, тшӧтш кыксё ветымын сикель чӧскыд дука турун,

Петӧм 30:33

Коді вӧчас татшӧм выйсӧ либӧ мавтыштас бокысаӧс, сійӧс лоӧ бырӧдӧма аслас войтыр пӧвстысь».

Петӧм 30:35

Мавтас вӧчысь моз вӧч наысь чӧскыд дука тшынӧдчантор. Вӧч солалӧмӧн, сӧстӧмӧс да вежаӧс.

Петӧм 30:7

Висьпуктанін вылас Аарон мед тшынӧдас чӧскыд ӧвтанторъяс. Сійӧ мед тшынӧдчас сэні быд асыв, кор кутас локны видзӧдны би дозъяс бӧрся.

Петӧм 31:11

мавтыштан вый да чӧскыд дука тшынӧдчантор, мый колӧ вежаинӧ. Ставсӧ мед вӧчасны сідзи, кыдзи Ме тшӧкті тэныд».

Петӧм 35:15

тшынӧдчан висьпуктанін да сійӧс новлӧдлан потшъяс, мавтыштан вый, чӧскыд дука тшынӧдчанторъяс, вежа чом пыранінӧ ӧшӧдан дӧра,

Петӧм 37:29

Мавтас вӧчысь моз дасьтіс мавтыштан вежа вый да чӧскыд дука сӧстӧм тшынӧдчантор.

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Исай 43:23

Тэ эн вайлы Меным сотан вись пыдди ыжъясӧс, вись вайӧмӧн эн пыдди пукты Менӧ. Ме эг сьӧктӧдлы тэнӧ, эг тшӧкты вайны Меным нянь, эг тшӧкты вайны чӧскыд ӧвтанторъяс.

Левит 16:12

Господь водзысь висьпуктанінысь мед босьтас тшынӧдчан доз тыр ӧгыр да кык китыр ниртӧм чӧскыд дука тшынӧдчантор. Мед пыртас найӧс Вежаинын ӧшалысь дӧра сайӧ.

Левит 2:1

«Коді кутас вайны Господьлы нянь вись, мед ваяс шобді пызь. Пызяс мед кисьтас олив вый да пызь вылас пуктас ладан.

Левит 2:15

Тусь вылас кисьт олив вый да пуктав сы вылӧ ладан. Тайӧ лоӧ нянь вись.

Левит 24:7

Нянь вылас пукты сӧстӧм ладан [да сов]. Тайӧ лоӧ казьтылан вись, Господьлы сотан вись.

Левит 5:11

Коді гӧльлун вӧсна оз вермы вайны кык гулюӧс либӧ кык гулюпиӧс, аслас мыжысь вись пыдди мед ваяс шобді пызь – ефалысь дасӧд юкӧнсӧ. Пызяс мед оз кисьт олив вый, пызь вылӧ мед оз пукты ладан, ӧд тайӧ мыжысь вись.

Лыд 4:16

Аарон поплӧн Элазар пиыс мед кывкутас би дозйӧ кисьтан вый да чӧскыд дука тшынӧдчантор вӧсна, быдлунся нянь вись да мавтыштан вый вӧсна. Сійӧ мед кывкутас вежа чом вӧсна да вежаинса став дозмук-кӧлуй вӧсна».

Лыд 7:14

Нӧшта сійӧ вайис дас сикель сьӧкта зарни кӧш, кытчӧ вӧлі пуктӧма чӧскыд дука тшынӧдчантор.

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.