Петӧм 30:33 - Коми Библия 2023

³³ Коді вӧчас татшӧм выйсӧ либӧ мавтыштас бокысаӧс, сійӧс лоӧ бырӧдӧма аслас войтыр пӧвстысь».

Петӧм 30:33 Iomraidhean Croise

Олӧм 17:14

Кодлысь [кӧкъямысӧд лунӧ] оз ло вундыштӧма чильган йывсьыс кучикторсӧ, сійӧс мед лоӧ ӧтдортӧма аслас войтыр пӧвстысь, ӧд сійӧ торкӧ Менсьым йитӧдӧс, мый Ме кӧрталі тіянкӧд».

Петӧм 12:15

Сизим лун чӧж сёйӧй шомтӧм нянь. Медводдза лунӧ петкӧдӧй няньшомсӧ керкасьыныд. Ӧд медводдза лунсяньыс сизимӧд лунӧдз коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь.

Петӧм 12:19

Тіян керкаясын сизим лун чӧж мед оз ло няньшомыс. Коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь, йӧз муысь локтысь-ӧ сійӧ либӧ вужвойтырысь.

Петӧм 29:33

Налы колӧ сёйны тайӧ висьсӧ, ӧд сійӧс вайӧма налысь мыжсӧ вештӧм могысь. Тадзи найӧс лоӧ вежӧдӧма, и найӧ вермасны кесъявны попъясӧн. Тайӧ – вежатор, бокысалы сійӧс сёйнысӧ оз позь.

Петӧм 30:34

Господь тшӧктіс Мӧисейлы: «Босьт ӧтмындаӧн чӧскыд ӧвтанторъяс – стакти, оних да халван, тшӧтш ладан сир.

Петӧм 30:38

Коді вӧчас аслыс татшӧм тшынӧдчанторсӧ, сійӧс лоӧ бырӧдӧма аслас войтыр пӧвстысь».

Петӧм 31:14

Энӧ торкӧй шойччан лунсӧ, ӧд тайӧ луныс тіянлы вежа. Коді пежалас шойччан лун, сійӧс колӧ вины. Коді тайӧ лунӧ кутас уджавны, сійӧс лоӧ бырӧдӧма аслас войтыр пӧвстысь.

Левит 17:10

«Израиль войтыр пӧвстысь либӧ йӧз муысь локтысьяс пӧвстысь кӧ кодкӧ сёяс вир, Ме паныд сувта сылы да бырӧда сійӧс войтыр пӧвстысь,

Левит 17:14

Быд ловъя олысьлӧн олӧмыс сылӧн вирас. Ме ӧлӧді Израиль пиянӧс, медым эз сёйны некутшӧм вир, ӧд быд ловъя олысьлӧн олӧмыс сылӧн вирас. Вир сёйысьӧс лоӧ бырӧдӧма.

Левит 17:4

а оз вайӧд сійӧс вежа чом пыранін дорӧ, [медым вайны сотан вись либӧ бурасян вись пыдди, мый лоӧ Господьлы шогмана чӧскыд ӧвтантор,] медым Господьлӧн оланін водзын вайны сійӧс Господьлы вись пыдди, сэки тайӧ мортыс лоӧ мыжа вир кисьтӧмысь. Сійӧс лоӧ бырӧдӧма аслас войтыр пӧвстысь.

Левит 17:9

но оз вайӧд пемӧссӧ вежа чом пыранін дорӧ, медым вайны Господьлы вись пыдди, сэки тайӧ мортсӧ лоӧ бырӧдӧма аслас войтыр пӧвстысь».

Левит 18:29

Татшӧм зывӧкторсӧ вӧчысьӧс лоӧ бырӧдӧма аслас войтыр пӧвстысь.

Левит 19:8

Коді сёяс татшӧм яйсӧ, лоӧ мыжа, ӧд Господьлысь вежаторсӧ пежаліс. Сійӧс лоӧ бырӧдӧма аслас войтыр пӧвстысь.

Левит 20:17

Босьтас кӧ кодкӧ гӧтырӧ чойсӧ, батьыслысь нывсӧ либӧ мамыслысь нывсӧ да узяс сыкӧд, тайӧ яндысьтӧмтор. Найӧс мед бырӧдасны войтыр пӧвстысь. Чойыскӧд узьӧмысь мортыс лоӧ мыжа.

Левит 20:18

Айлов кӧ узяс анькӧд сылӧн тӧлысся дырйиыс да аддзылас сылысь вир мунӧмсӧ, и тӧлысся дырйис кӧ аньыс ачыс лэдзас айловӧс ас дінас, сэки кыкнаннысӧ мед бырӧдасны войтыр пӧвстысь.

Левит 20:3

Тайӧ мортыслы Ме паныд сувта, бырӧда сійӧс войтыр пӧвстысь сы понда, мый ассьыс кагасӧ Молок идоллы сетіс. Тайӧн сійӧ Менсьым вежаинӧс пежаліс да Менсьым вежа нимӧс янӧдіс.

Левит 22:3

Висьтав налы, мый быдӧнӧс, коді насянь чужысьяс пӧвстысь пежӧн матыстчас Израиль пиянлӧн вежа вайӧмторъяс дінӧ, лоӧ ӧтдортӧма Ме дінысь. Ме – Господь [тіян Енныд].

Левит 23:29

Коді оз раммӧдчы-видзав тайӧ лунӧ, сійӧс лоӧ бырӧдӧма аслас войтыр пӧвстысь.

Лыд 15:30

Вужвойтырысь либӧ йӧз муысь локтысьясысь кӧ кодкӧ тӧдӧмӧн мыж вӧчӧ, сійӧ омӧльтӧ Господьӧс. Сійӧс лоӧ бырӧдӧма аслас войтыр пӧвстысь,

Лыд 15:31

ӧд сійӧ мустӧмтіс Господьлысь кывсӧ да торкис Сылысь тшӧктӧмсӧ. Тайӧ мортсӧ лоӧ бырӧдӧма, мыжыс кольӧ сы вылӧ».

Лыд 19:13

Коді инмӧдчылас мортлӧн шойыс дінӧ да оз сӧстӧммӧдчы, сійӧ пежалӧ Господьлысь оланінсӧ. Тайӧ мортсӧ лоӧ бырӧдӧма Израиль войтыр пӧвстысь, ӧд сійӧс абу вӧлі резӧма сӧстӧммӧдчан ваӧн. Сійӧ пеж, пежасьӧмыс кольӧ сы вылӧ.

Лыд 19:20

Но пежасьӧм морт кӧ оз сӧстӧммӧдчы, сійӧс лоӧ бырӧдӧма войтыр пӧвстысь, ӧд сійӧ пежалӧ Господьлысь вежаинсӧ. Сійӧ пеж, ӧд сӧстӧммӧдчан ванас сійӧс абу вӧлі резӧма.

Лыд 4:18

«Видзӧдӧй, медым Кааф рӧдыс эз быр левитъяс лыдысь.

Лыд 9:13

Коді сӧстӧм да абу [ылі] туйын, но Ыджыд лунсӧ оз пасйы да индӧм кадӧ оз вай Господьлы висьсӧ, сійӧс лоӧ бырӧдӧма аслас войтыр пӧвстысь. Сійӧ мыжа.