Петӧм 30:3 - Коми Библия 2023

³ Висьпуктанінлысь вывсӧ, бокъяссӧ да сюръяссӧ эж весалӧм зарниӧн. Доргӧгӧрыс вӧч зарни дорыш.

Петӧм 30:3 Iomraidhean Croise

Ӧксыяслӧн 3 небӧг 6:20

Вежасьыс-вежаиныс вӧлі кызь гырддза пасьта, кызь гырддза кузьта да кызь гырддза судта. Стенъяссӧ Соломон эжис весалӧм зарниӧн, сус пуысь вӧчӧм висьпуктанінсӧ тшӧтш эжис зарниӧн.

Ӧксыяслӧн 3 небӧг 6:22

Крам пытшкӧссӧ дзоньнас эжис зарниӧн, Вежасьыс-вежаин водзвылын сулалысь висьпуктанінсӧ тшӧтш эжис зарниӧн.

Ӧксыяслӧн 3 небӧг 7:48

Таысь кындзи Господьлӧн крамӧ Соломон вӧчӧдіс уна мукӧдтор: зарни висьпуктанін, вежа няньлы зарни пызан

Петӧм 25:11

Пытшкӧссяньыс да ортсысяньыс эж сійӧс весалӧм зарниӧн. Куд гӧгӧрыс вылытіыс вӧч [серлӧдлӧм] зарни дорыш.

Петӧм 25:24

Эж пызансӧ весалӧм зарниӧн да гӧгӧрыс вӧч [серлӧдлӧм] зарни дорыш.

Петӧм 30:2

Висьпуктаніныс мед лоӧ нёль пельӧса, кузьтанас и пасьтанас – ӧти гырддза, а судтанас – кык гырддза. Сюръясыс висьпуктанінкӧд мед лоӧны ӧтторъяӧсь.

Петӧм 30:4

Дорыш улас кыкнанладор бокас йит кык зарни кольча, медым кольчаясас позис сюйны потшъяс да новлӧдлыны висьпуктанінсӧ.

Восьтӧм 8:3

Сэсся матыстчис нӧшта ӧти андел да сувтіс тшынӧдчан висьпуктанін водзӧ. Киас сійӧ кутіс зарни тшынӧдчан доз. Сылы вӧлі сетӧма уна ладан, медым вежа войтырлӧн кевмысьӧмъяснас пуктыны сійӧс зарни тшынӧдчан висьпуктанін вылӧ, мый сулаліс юралан пуклӧс водзын.