Петӧм 30:14 - Коми Библия 2023

¹⁴ Быдӧн, кодӧс лоӧ арталӧма войтырӧс гижалігӧн – кызь арӧса да ыджыдджык арлыда айулов – мед ас пондаыс вайӧ тайӧ козинсӧ Господьлы.

Петӧм 30:14 Iomraidhean Croise

Петӧм 30:13

Быдӧн, кодӧс лоӧ арталӧма войтырӧс гижалігӧн, мед вайӧ сикель джын вежаинса сикель серти. Ӧти сикельын – кызь гера. Сикель джынйыс – Господьлы вайӧмтор.

Петӧм 30:15

Ас понданыс вештысигӧн озыръяс мед оз вайны Господьлы сикель джынйысь унджык, и гӧльяс мед оз вайны сикель джынйысь этшаджык.

Езекиль 45:12

Сикельлӧн сьӧктаыс мед лоӧ кызь гера, а квайтымын сикель мед лоӧ ӧти мина.

Езекиль 45:16

Став Израиль войтырыс мед сетӧ тайӧ вайӧмторъяссӧ Израиль ӧксылы.

Лыд 1:18

да мӧд тӧлысьлӧн медводдза лунӧ чукӧртісны став войтырсӧ. Арталӧма-гижалӧма вӧлі кызь арӧса да ыджыдджык арлыда айуловӧс чужанкотыр да рӧд сертиныс.

Лыд 1:20

Израильлӧн медводдза чужысь Рувим чужанкотырысь кызь арӧса да ыджыдджык арлыда айуловӧс, кодъяс вермисны петны тышӧ, вӧлі арталӧма-гижалӧма нимъяснас рӧд да котыр сертиныс.

Лыд 1:3

Ааронкӧд ӧтвыв арталӧй кызь арӧса да ыджыдджык арлыда израильса айуловӧс, кодъяс вермӧны петны тышӧ. Гижалӧй найӧс тышкакотыръяс серти.

Лыд 14:29

Ті, Ме вылӧ ропкысьяс пӧвстысь кызь арӧса да ыджыдджык арлыда айулов, кодъясӧс вӧлі арталӧма-гижалӧма, куланныд тайӧ овтӧминас.

Лыд 26:2

«Арталӧй кызь арӧса да ыджыдджык арлыда израильса айуловӧс, кодъяс вермӧны петны тышӧ. Гижалӧй найӧс рӧд сертиныс».

Лыд 32:11

”Египетысь петӧм йӧзыс, кызь арӧса да ыджыдджык арлыда айулов, [кодъяс тӧдӧны бурсӧ и лёксӧ,] оз аддзыны мусӧ, мый йылысь Ме кыв сеті Ӧвраамлы, Исааклы да Яковлы. Ӧд тайӧ йӧзыс эз кывзысьны Менсьым.